Pahalgam Terror Attack
नवी दिल्ली : पहलगाम दहशतवादी हल्ल्यानंतर संतप्त नागरिकांनी दिल्लीस्थित पाकिस्तान उच्चायुक्तालयासमोर निदर्शने केली. यावेळी पाकिस्तानविरुद्ध जोरदार घोषणाबाजी करण्यात आली. दरम्यान, उच्चायुक्तालयाबाहेर मोठा फौजफाटा तैनात करण्यात आला होता आणि पाकिस्तान उच्चायुक्तालयाची सुरक्षाही वाढवण्यात आली आहे. दरम्यान बाहेर निदर्शने सुरू असताना इतक्या तणावपूर्ण परिस्थितीमध्ये त्यांनी केक नक्की कुठल्या कारणासाठी आणला, याची चर्चा घटनास्थळावर होती.
पहलगाम दहशतवादी हल्ल्यानंतर पाकिस्तान विरुद्ध देशभर संतापाची लाट आहे. सरकारसह विरोधी पक्षांनीही तसे म्हटले आहे. केंद्र सरकारच्या वतीने पाकिस्तानी नागरिकांना परत जाण्याच्या सूचना दिल्या आहेत. तसेच उच्चायुक्तालयातील वरिष्ठ सल्लागारांनाही आठवडाभराच्या आत देश सोडण्याचे निर्देश दिले आहेत. या पार्श्वभूमीवर ही निदर्शने झाली.
दरम्यान, ही निदर्शने सुरू असताना एक डिलिव्हरी बॉय केक घेऊन आला. तो केक घेण्यासाठी उच्चायुक्तालयातून एक व्यक्ती बाहेर आला. त्याने तो केक घेतला आणि आतमध्ये घेऊन गेला. मात्र बाहेर निदर्शने सुरू असताना इतक्या तणावपूर्ण परिस्थितीमध्ये त्यांनी केक नक्की कुठल्या कारणासाठी आणला, याची चर्चा घटनास्थळावर होती. या केकच्या माध्यमातून एक तर भारतावर असलेल्या दुखद प्रसंगात असुरी आनंद साजरा करण्यासाठी किंवा हल्ल्याशी आमचा काहीही संबंध नाही, हे दर्शवण्याचा प्रयत्न पाकिस्तानने केला केल्याचे समजते.
