Nano Banana trend
नवी दिल्ली : आर्टिफिशियल इंटेलिजन्स (AI) च्या जगात, नवनवीन फीचर्स आणि तंत्रज्ञान सतत येत आहे. या नवनवीन तंत्रज्ञानामुळे सोशल मीडियावर काही ना काही ट्रेंड येतच असतो. सध्या सोशल मीडियावर 3D डिजिटल प्रतिकृती बनवण्याचा एक नवीन ट्रेंड मोठ्या प्रमाणात व्हायरल होत आहे. 'नॅनो बनाना' (Nano Banana) नावाने ओळखला जाणारा हा ट्रेंड सर्वांचे लक्ष वेधून घेत आहे.
Google's Gemini 2.5 Flash Image या AI टूलच्या मदतीने लोक आपल्या आवडत्या व्यक्तींचे, पाळीव प्राण्यांचे किंवा सेलिब्रिटींचे 3D मॉडेल बनवत आहेत. या टूलला सोशल मीडियावर 'नॅनो बनाना' असे गंमतीशीर नाव देण्यात आले आहे. हे शक्तिशाली टूल कोणत्याही सामान्य फोटोचे काही सेकंदातच अगदी वास्तववादी आणि जिवंत 3D मॉडेलमध्ये रूपांतर करते. विशेष म्हणजे हे टूल वापरण्यासाठी पूर्णपणे विनामूल्य आहे.
राजकारण्यांपासून ते बॉलिवूड सेलिब्रिटींपर्यंत, प्रत्येकजण नवीन AI टूलच्या मदतीने त्यांचे 3D मॉडेल तयार करत आहे. आसामचे मुख्यमंत्री हिमंता बिस्वा सरमा यांनी एक्सवर आपले 3D छायाचित्र शेअर केले आहे. “माझ्या तरुण मित्रांनी हा ट्रेंड फॉलो करायला सांगितला. हा माझा 3D पुतळा,” असे त्यांनी छायाचित्र शेअर करताना लिहिले.
हा ट्रेंड फॉलो करण्यासाठी आणि स्वतःचे 3D मॉडेल बनवण्यासाठी काही सोप्या स्टेप्स आहेत.
त्यानंतर 'Try Nano Banana' हा पर्याय निवडा. हा पर्याय तुम्हाला Gemini 2.5 Flash Image टूलवर घेऊन जाईल.
आता, 'प्लस' (+) चिन्हावर क्लिक करून तुमचा फोटो अपलोड करा किंवा तुम्हाला हवे असलेले फिगरिन तयार करण्यासाठी प्रॉम्प्ट (सूचना) द्या.
तुम्ही फोटोसह खालील प्रॉम्प्ट वापरू शकता, ज्यामुळे तुम्हाला अधिक प्रभावी परिणाम मिळतील: “A realistic 1/7 scale figurine of the pictured characters stands on a clear acrylic base atop a sleek wooden desk. The desk is tidy, with a monitor displaying the ZBrush sculpting process: showing wireframes, textures, and fine details. Beside it, a BANDAI-style toy box features vibrant 2D illustrations matching the figurine. Natural light from a nearby window casts soft shadows, highlighting the model's textures and craftsmanship.
तुमचे 3D फिगरिन तयार झाल्यावर ते डाउनलोड करा आणि सोशल मीडियावर तुमच्या मित्र-मैत्रिणींसोबत शेअर करा.
