Kerala Assembly Election results 2026
२०२६ च्या केरळ विधानसभा निवडणुकीत काँग्रेसच्या नेतृत्वाखालील 'यूडीएफ'ने (UDF) दणदणीत विजय मिळवून सत्ता काबीज केली असली, तरी भारतीय जनता पक्षाने (भाजप) तीन जागा जिंकून राज्यात आपली लक्षणीय उपस्थिती दर्शवली आहे. भाजपने तिरुवनंतपुरममधील नेमम, कळकूट्टम आणि चथानूर या तीन मतदारसंघात विजय मिळवला आहे.
भाजपचे ज्येष्ठ नेते आणि माजी केंद्रीय मंत्री राजीव चंद्रशेखर यांनी 'नेमम' मतदारसंघातून विजय मिळवला आहे. तिरुवनंतपुरममधील हा मतदारसंघ बऱ्याच काळापासून भाजपचा बालेकिल्ला मानला जातो. चंद्रशेखर यांनी सीपीआय(एम) चे दिग्गज नेते आणि मंत्री व्ही. शिवनकुट्टी यांचा ३,५९० मतांनी पराभव केला. या शर्यतीत काँग्रेसचे तरुण नेते के.एस. सबरीनाथन तिसऱ्या क्रमांकावर राहिले.
आणखी एक माजी केंद्रीय मंत्री व्ही. मुरलीधरन यांनी या मतदारसंघातून विजय मिळवला असून, तिरुवनंतपुरम भागात भाजपची पकड मजबूत केली आहे.
चथानूर मतदारसंघात भाजपचे उमेदवार बी.बी. गोपकुमार यांनी अत्यंत चुरशीच्या झालेल्या लढतीत आपल्या प्रतिस्पर्ध्यांचा पराभव करत ही जागा खिशात घातली.
