Budget 2024 For Bihar | पूर्वेकडील राज्यांना जोडण्यासाठी 'पूर्वोदय' योजना, बिहारसाठी मोठी तरतूद

पुढारी ऑनलाईन डेस्क: अमृतसर-कोलकाता औद्योगिक कॉरिडॉरवर आम्ही बिहारमधील गया येथे औद्योगिक मंजुरीच्या विकासाला पाठिंबा देऊ. ते पूर्वेकडील प्रदेशाच्या विकासाला चालना देण्यासाठी पूर्वोद्य योजना राबवणार असे म्हणत अर्थमंत्री निर्मला सीतारमन यांनी बिहार राज्याठी महत्त्वपूर्ण तरतुदी केल्याची घोषणा अर्थसंकल्पात केल्याचे स्पष्ट केले आहे.

गया ते काशी विश्वनाथ कॉरिडॉरला मंजुरी

अर्थमंत्री निर्मला सीतारामन यांनी अर्थसंकल्पीय भाषणात सांगितले की, सरकार गया, बिहारमधील विष्णू पद मंदिर आणि महाबोडी मंदिरातील काशी विश्वनाथ कॉरिडॉरच्या धर्तीवर कॉरिडॉर बांधणार आहे.

बिहारमधील नालंदासाठी मोठी घोषणा

सरकारने या आधीच नालंदामध्ये एक विद्यापीठ बांधले आहे. आता येथील पर्यटनाला चालना देण्यासाठी सरकार मदत करणार आहे, असे निर्मला सीतारामन म्हणाल्या.

बिहारसह या राज्यातील पूरग्रस्ताना 11500 कोटी रुपये

बिहार आणि आसामला पुरापासून दिलासा मिळणार आहे. बिहार आणि आसाममधील पूरग्रस्तांच्या मदतीसाठी केंद्र सरकारने अर्थसंकल्पात मोठी घोषणा केली आहे. अर्थमंत्री निर्मला सीतारामन यांनी बिहार आणि आसाममधील पूरग्रस्तांसाठी 11500 कोटी रुपयांची तरतूद जाहीर केली आहे. पुराच्या समस्येला तोंड देण्यासाठी केंद्र सरकार बिहार, आसाम आणि सिक्कीमला आर्थिक मदत करणार आहे.

बिहारला अर्थसंकल्पात काय मिळाले?

केंद्राने मंगळवारी बिहारमधील विविध रस्ते प्रकल्पांसाठी 26,000 कोटी रुपयांचा खर्च प्रस्तावित केला. वित्तमंत्री निर्मला सीतारामन यांनी 2024-25 च्या त्यांच्या अर्थसंकल्पात म्हटले आहे की केंद्र सरकार बहुपक्षीय विकास संस्थांच्या सहाय्याने बिहारला आर्थिक मदतीची व्यवस्था करेल. सरकार बिहारमध्ये विमानतळ, वैद्यकीय महाविद्यालये आणि क्रीडा पायाभूत सुविधाही उभारणार असल्याचेही निर्मला सीतारमन यांनी भाषणात सांगितले.

पूर्व भारताला जोडण्यासाठी औद्योगिक कॉरिडॉरला पाठींबा

केंद्र बिहार, झारखंड, पश्चिम बंगाल, ओडिशा आणि आंध्र प्रदेशच्या सर्वांगीण विकासासाठी 'पूर्वोदय' योजना आणणार आहे. सीतारामन म्हणाले की, पूर्वेकडील भागातील विकासासाठी सरकार औद्योगिक कॉरिडॉरला पाठिंबा देईल.