Rishikesh bus accident: बद्रीनाथ महामार्गावर भीषण अपघात: हरिद्वारहून जोशीमठकडे जाणारी बस १०० मीटर खोल दरीत कोसळली; ६ ठार

उत्तराखंडच्या टिहरी जिल्ह्यात बद्रीनाथ महामार्गावर हरिद्वारहून जोशीमठकडे जाणारी बस रस्त्याच्या कडेला असलेले कठडा तोडून थेट दरीत कोसळली.
Badrinath Highway bus accident
Rishikesh Badrinath Highway bus accidentFile Photo
Published on: 
Updated on: 

Rishikesh bus accident

ऋषिकेश: उत्तराखंडच्या टिहरी जिल्ह्यात बद्रीनाथ महामार्गावर हरिद्वारहून जोशीमठकडे जाणारी बस रस्त्याच्या कडेला असलेले कठडा तोडून थेट दरीत कोसळली. आज (दि. १७) पहाटे गुलारजवळ झालेल्या या अपघातात किमान सहा जण ठार झाले असून, सुमारे २० प्रवासी जखमी झाले आहेत.

Badrinath Highway bus accident
Accident: सौंदत्ती यल्लम्माच्या दर्शनासाठी निघालेल्या पुण्याच्या कुटुंबावर काळाचा घाला; भीषण अपघातात चिमुकल्यासह तिघे ठार

सुमारे ३०-३५ प्रवाशांना घेऊन जाणारी ही 'विश्वनाथ सेवा' बस पुलावरून १०० मीटर खोल दरीत कोसळली. अपघाताची माहिती मिळताच ब्यासी आणि ढलवाला येथील राज्य आपत्ती प्रतिसाद दलाची पथके घटनास्थळी पोहोचली आणि त्यांनी बचावकार्य सुरू केले.

प्राथमिक माहितीनुसार, सुमारे २० जखमी प्रवाशांना बाहेर काढण्यात आले असून, त्यांना रुग्णवाहिकेने रुग्णालयात हलवले जात आहे. टिहरीच्या जिल्हा दंडाधिकारी नितिका खंडेलवाल आणि वरिष्ठ पोलीस अधीक्षक श्वेता चौबे देखील घटनास्थळाच्या दिशेने रवाना झाल्या आहेत. सध्या बचावकार्य सुरू आहे.

Badrinath Highway bus accident
MP Forest Officer: उत्पन्नापेक्षा ५६० टक्के अधिक संपत्ती! वन अधिकाऱ्याचे ७.६ कोटी रुपयांचे 'साम्राज्य' लोकायुक्तांकडून उघड

रुद्रप्रयागमध्ये बोलेरो ५०० मीटर खोल दरीत कोसळली

उत्तराखंडमध्ये सोमवारी रात्री दुसरा एक मोठा अपघात घडला. रुद्रप्रयागमध्ये बांसवाडा-कंडारा मार्गावर एक बोलेरो गाडी अनियंत्रित होऊन रस्त्यापासून सुमारे ५०० मीटर खोल दरीत कोसळली. या अपघातात चार जणांचा जागीच मृत्यू झाला, तर सहा जण गंभीर जखमी झाले आहेत. अपघाताच्या वेळी बोलेरो गाडीत १० लोक होते. एका लग्न समारंभातून ते आपल्या गावी परतत असताना चालकाचे गाडीवरील नियंत्रण सुटल्याने ती खोल दरीत कोसळली.

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.