नवी दिल्ली; पुढारी ऑनलाईन
देशातील सर्वात मोठी बँक स्टेट बँक ऑफ इंडिया (SBI) मध्ये तुमचे खाते असल्यास ही बातमी तुमच्यासाठी खूप महत्त्वाची आहे. कारण दुसरा शनिवार आणि रविवारी सुट्टी असल्याने बँका बंद असतील, मात्र या कालावधीत SBI ग्राहकांना इंटरनेट बँकिंग सेवा, YONO, YONO Light, UPI आणि मोबाईल बँकिंग सुमारे 5 तास उपलब्ध असणार नाही.
स्टेट बँक ऑफ इंडियानुसार, ग्राहक एकूण 300 मिनिटांसाठी SBI च्या ऑफलाइन-ऑनलाइन सेवेचा लाभ घेऊ शकणार नाहीत. 300 मिनिटांची ही व्यत्यय वेळ शनिवार आणि रविवारची आहे.
त्यामुळे, जर तुमचे SBI मध्ये खाते असेल, तर तुम्ही शनिवार आणि रविवार दरम्यान सुमारे 300 मिनिटे इंटरनेट बँकिंग सेवा, YONO, YONO Lite, UPI आणि मोबाईल बँकिंग सेवेचा लाभ घेऊ शकणार नाही. म्हणजेच या काळात तुम्ही कोणत्याही प्रकारे व्यवहार करू शकणार नाही.
या संदर्भात एसबीआयने आपल्या अधिकृत ट्विटर हँडलवर ट्विट केले आणि म्हटले की आम्ही आमच्या आदरणीय ग्राहकांना आम्हाला सहकार्य करण्याची विनंती करतो, आम्ही अधिक चांगली बँकिंग सेवा देण्यासाठी प्रयत्नशील आहोत. त्यानंतर ट्विटमध्ये लिहिले आहे की, आम्ही 11 डिसेंबर 2021 रोजी 23:30 ते 12 डिसेंबर रोजी पहाटे 4:30 (300 मिनिटे) IT सेवा सुधारण्यासाठी काम करत आहोत.
या कालावधीत INB/Yono/Yono Lite/Yono Business/UPI उपलब्ध होणार नाहीत. गैरसोयीबद्दल आम्ही दिलगीर आहोत. तथापि, या कालावधीत एसबीआय एटीएम कार्यरत राहतील. SBI च्या देशभरात 22,000 पेक्षा जास्त शाखा आणि 57,889 पेक्षा जास्त ATM नेटवर्क आहेत.
SBI ने ट्विट करून माहिती दिली की या सेवा बंद होण्याचे कारण देखभालीचे काम आहे. देशातील सर्वात मोठी बँक SBI च्या इंटरनेट बँकिंग सेवा 85 दशलक्ष लोक वापरतात आणि मोबाईल बँकिंग 19 दशलक्ष लोक वापरतात. त्याच वेळी, योनोवर नोंदणीकृत ग्राहकांची संख्या 3.45 कोटींच्या पुढे आहे, ज्यावर दररोज सुमारे 90 लाख लोक लॉग इन करतात.
हे ही वाचलं का ?
