Lok sabha election 2024 : हेमा मालिनी यांच्याबाबत वादग्रस्त वक्तव्य, EC ची सुरजेवालांना नोटीस
पुढारी ऑनलाईन डेस्क : भाजप नेत्या हेमा मालिनी यांच्याविरोधात केलेल्या वादग्रस्त वक्तव्य प्रकरणी निवडणूक आयोगाने काँग्रेस नेते रणदीप सुरजेवाला यांना आज (दि. ९ एप्रिल) नोटीस बजावली आहे. गुरुवार, ११ एप्रिल सायंकाळी पाच वाजेपर्यंत त्यांना उत्तर सादर करण्याचे आदेश देण्यात आले आहेत. ( ECI issues notice to Congress leader Randeep Surjewala for his comments against BJP leader Hema Malini )
पक्षाच्या नेत्यांनी आणि कार्यकर्त्यांद्वारे महिलांबद्दल आदरयुक्त सार्वजनिक संभाषण सुनिश्चित करण्यासाठी ECI ने काँग्रेस अध्यक्षांकडून कारवाईची मागणी केली आहे; निवडणूक प्रचाराला महिलांच्या अनादराचे व्यासपीठ बनू दिले जाऊ शकत नाही, असेही स्पष्ट केले आहे.
११ एप्रिल २०२४ पर्यंत पक्षाच्या सर्व नेत्यांच्या सार्वजनिक भाषणादरम्यान महिलांचा सन्मान आणि सन्मान राखण्यासाठी आयोगाच्या सल्ल्यांचे काटेकोर पालन करण्यासाठी काँग्रेस पक्षाचे अध्यक्ष पावले उचलतील, अशी सूचनाही निवडणूक आयोगाने केली आहे.
काय आहे प्रकरण?
हरियाणातील कुरुक्षेत्र येथे एका गावातील १ एप्रिल रोजी आयोजित प्रचार सभेत बोलताना रणदीप सुरजेवाला यांची जीभ घसरली. आपण लोकांना खासदार, आमदार म्हणून का निवडून देतो? तर ते आपलं म्हणणं लोकसभेत मांडतील, असे म्हणत त्यांनी हेमा मालिनी यांच्याविषयी वादग्रस्त वक्तव्य केलं होते.
