Rajya Sabha Election 2024 | ब्रेकिंग! अशोक चव्हाण, मेधा कुलकर्णी, अजित गोपछडे यांना भाजपकडून राज्यसभेची उमेदवारी

एकेकाळचे राणेंचे काँग्रेसमधील विरोधक भाजपमध्ये आल्यामुळे राणेंनी मंगळवारी फडणवीस यांची भेट घेतली होती. या भेटीत राणे आणि गोयल यांना लोकसभेची उमेदवारी देण्याचा निर्णय पक्षश्रेष्ठींनी घेतल्याचे राणेंना सांगण्यात आल्याचे समजते. नारायण राणेंना रत्नागिरी-सिंधुदुर्ग लोकसभा मतदारसंघात, तर पीयूष गोयल यांना मुंबईमधून लोकसभेची उमदेवारी दिली जाणार आहे.

दरम्यान, राज्यसभेसाठी विनोद तावडे, पंकजा मुंडे यांची नावे कायम असून यात अशोक चव्हाणांच्या नावाची भर पडली आहे. राष्ट्रवादी काँग्रेस अजित पवार गट आपला एक उमेदवार घेणार आहे; तर शिंदेंच्या शिवसेनेकडूनही मिलिंद देवरा यांना राज्यसभेसाठी उमेदवारी दिली आहे. त्यामुळे भाजपच्या वाट्याला चार जागा येणार आहेत. काॅंग्रेससमध्ये फाटाफूट करून भाजप चौथी जागा जिंकण्याच्या तयारीत आहे.

काँग्रेसकडून राज्यसभेसाठी ४ उमेदवारांची घोषणा

दरम्यान, काँग्रेस पक्षाच्या वतीने राज्यसभेसाठी चार उमेदवारांची घोषणा करण्यात आली आहे. यामध्ये राजस्थानमधून सोनिया गांधी, महाराष्ट्रातून चंद्रकांत हंडोरे तर हिमाचल प्रदेशमधून ज्येष्ठ वकील अभिषेक मनु सिंघवी आणि बिहारमधून डॉ. अखिलेश प्रताप सिंह आणि यांना उमेदवारी देण्यात आली आहे.

गेल्या काही दिवसांपासून सोनिया गांधी प्रकृती अस्वस्थ्यामुळे राज्यसभेवर जातील अशा चर्चा होत्या. विविध काँग्रेसशासित राज्यातून तसे प्रस्त्वावही देण्यात आले होते. काँग्रेस पक्षनेतृत्वाने मात्र सोनिया गांधींसाठी राजस्थानची निवड केली. दरम्यान सोनिया गांधी यांनी बुधवारी सकाळी जयपुरमध्ये पोहोचल्या आणि राजस्थन विधीमंडळात उमेदवारी अर्ज दाखल केला. त्यानंतर त्यांनी काँग्रेस आमदारांच्या बैठकीत त्यांच्याशी संवाद साधला. यावेळी सोनिया गांधी यांच्यासोबत काँग्रेसने नेते राहुल गांधी, सरचिटणीस प्रियंका गांधी, माजी मुख्यमंत्री अशोक गेहलोत, सचिन पायलट उपस्थित होते. काँग्रेस पक्ष नेतृत्वाने सोनिया गांधींना राज्यसभेवर पाठवण्याचा निर्णय घेतल्यानंतर सोनिया गांधींच्या रायबरेली लोकसभा क्षेत्रातून प्रियंका गांधी लोकसभा निवडणूक लढवण्याची शक्यता आहे.

महाराष्ट्रातून काँग्रेसने चंद्रकांत हंडोरे यांना उमेदवारी दिली आहे. राज्यात दोन वर्षांपुर्वी झालेल्या विधान परिषद निवडणुकीत काँग्रेसमधील काही मते फुटल्याने त्यांचा पराभव झाला होता. त्या पराभवानंतर अनेक चर्चाही झाल्या होत्या. काँग्रेस नेतृत्वाने पुन्हा एकदा चंद्रकांत हांडोरे यांच्यावर विश्वास दाखवत त्यांना राज्यसभेवर पाठवण्याची तयारी केली आहे.