Rajya Sabha Election 2024 | ब्रेकिंग! अशोक चव्हाण, मेधा कुलकर्णी, अजित गोपछडे यांना भाजपकडून राज्यसभेची उमेदवारी
पुढारी ऑनलाईन : भाजपच्या केंद्रीय निवडणूक समितीने राज्यसभा निवडणुकीसाठी गुजरात आणि महाराष्ट्रातील उमेदवारांची घोषणा केली आहे. काँग्रेसला सोडचिठ्ठी देऊन भाजपात दाखल झालेले अशोक चव्हाण (Ashok Chavan) यांना भाजपने राज्यसभेची उमेदवारी दिली आहे. तसेच मेधा कुलकर्णी (Medha Kulkarni) आणि डॉ. अजित गोपछडे यांनादेखील महाराष्ट्रातून उमेदवारी दिली आहे. दरम्यान, केंद्रीय मंत्री नारायण राणे आणि प्रकाश जावडेकर यांना भाजपने राज्यसभेसाठी उमेदवारी दिली नसल्याचे स्पष्ट झाले आहे.
भाजपचे राष्ट्रीय अध्यक्ष जे. पी. नड्डा, गोविंदभाई ढोलकिया, मयंकभाई नायक, डॉ. जशवंतसिंह सलामसिंह परमार यांना गुजरातमधून उमेदवारी जाहीर करण्यात आली आहे.
माजी मुख्यमंत्री अशोक चव्हाण यांनी मंगळवारी भाजपात प्रवेश केल्यानंतर राज्यसभेच्या उमदेवारीची समीकरणे बदलली होती. केंद्रीय मंत्री नारायण राणे आणि पीयूष गोयल यांना लोकसभा रिंगणात उतरवले जाणार आहे. राज्यसभेला भाजप एक जादा उमदेवार देत आहे. अशोक चव्हाणांना राज्यसभेची उमेदवारी दिली आहे.
नारायण राणे व अशोक चव्हाण (Ashok Chavan) यांचे काँग्रेसमध्ये असल्यापासून वितुष्ट होते. अशोक चव्हाणांना मुख्यमंत्री केल्याने राणेंनी त्या काळी टीकेची झोड उठवली होती. त्यानंतर तब्ब्ल ८० दिवस राणे मंत्रिमंडळाबाहेर होते. ८० दिवसांनंतर उद्योगमंत्रिपद देऊन राणेंना मंत्रिमंडळात घेण्यात आले होते.
BJP releases another list of candidates for the Rajya Sabha Biennial elections.
Party president JP Nadda from Gujarat
Ashok Chavan, Medha Kulkarni from Maharashtra pic.twitter.com/eIZXmvyjcn— ANI (@ANI) February 14, 2024
हे ही वाचा :
- शिंदेंच्या शिवसेनेकडून मिलिंद देवरांना राज्यसभेची उमेदवारी
- …म्हणून चंद्रकांत हंडोरे यांना काँग्रेस कडून उमेदवारी?