अयोध्येतून देशातील गावागावांत, घराघरांत प्राणप्रतिष्ठेचे आवतन म्हणून अक्षता पाठविण्यात येत आहेत. या अक्षता भाग्यवृद्धीच्या द़ृष्टीने मूल्यवान असल्याचे कासगंज तीर्थक्षेत्र सोरो येथील ज्योतिषाचार्य डॉ. गौरव दीक्षित यांनी म्हटलेले आहे. हळदीत रंगविलेले तांदूळ देऊन निमंत्रण देण्याची प्राचीन भारतीय परंपरा आहे. हिंदू धर्मात कुठलेही पवित्र कार्य अक्षतेशिवाय पूर्ण होत नाही.
अयोध्येत नव्याने उभारण्यात राम मंदिराच्या गर्भगृहात श्री रामलल्लाची मूर्ती आणण्यात आली आहे. गर्भगृहातील प्रतिष्ठापना विधीअंतर्गत श्री रामलल्लाची एक मूर्ती बुधवारी श्रीराम जन्मभूमी संकुलात आणण्यात आली होती. त्यानंतर मूर्तीचे पालखीमधून मंदिर परिसरात भ्रमणही पार पडले होते. नगरभ्रमणही झाले. शरयू तटावरून मंदिरापर्यंत महिलांची कलशयात्राही काढण्यात आली होती. दरम्यान, राम मंदिराच्या गर्भगृहात श्री रामलल्लाची मूर्ती आणण्यात आली.
हेही वाचा :
