G20 New Delhi summit: जी-२० मध्ये मोदींच्या १५ द्विपक्षीय बैठका
नवी दिल्ली; पुढारी वृत्तसेवा: जी – २० शिखर परिषदेसाठी आलेल्या जागतिक नेत्यांसमवेत येत्या तीन दिवसांमध्ये पंतप्रधान नरेंद्र मोदींच्या पंधराहून अधिक द्विपक्षीय बैठका होणार आहेत. यामध्ये अमेरिका, फ्रान्स, इंग्लंड, जर्मनी, इटली या प्रमुख देशांचा समावेश आहे. यात व्यापार, आर्थिक, तंत्रज्ञान या क्षेत्रांमधील परस्पर सहकार्याचा आढावा घेण्याबरोबरच दहशतवादाला प्रतिबंध, सामरिक सुरक्षा आणि वैश्विक पातळीवरील महत्त्वाच्या मुद्द्यांवर देखील चर्चा होईल. द्विपक्षीय बैठकांच्या नियोजनाअंतर्गत आज (दि.९ सप्टेंबर) मॉरिशस आणि बांगलादेशच्या पंतप्रधानांसमवेत पंतप्रधान मोदींचा द्विपक्षीय वार्तालाप होणार आहे. त्यानंतर सायंकाळी अमेरिकेचे राष्ट्रपती ज्यो बायडेन यांच्यासमवेत बैठक होईल. (G20 New Delhi summit)
G20 New Delhi summit: आजच्या द्विपक्षीय बैठका
पंतप्रधान नरेंद्र मोदींनी मॉरिशसचे पंतप्रधान प्रविंद कुमार जुगनाथ, बांगलादेशच्या पंतप्रधान शेख हसिना आणि राष्ट्रपती बायडेन यांच्यासमवेत होणाऱ्या आजच्या द्विपक्षीय बैठकांबद्दल सोशल मिडियावरून माहिती दिली. या देशांसमवेत भारताचे संबंध आणि विकासासाठीचे सहकार्य आणखी दृढ करण्याची संधी द्विपक्षीय बैठकांमधून मिळेल, असेही मोदींनी म्हटले आहे. (G20 New Delhi summit)
९ सप्टेंबरच्या द्विपक्षीय बैठका
दरम्यान, उद्या (९ सप्टेंबरला) जी–२० बैठकीव्यतिरिक्त इंग्लंडचे पंतप्रधान ऋषी सुनक, जपानचे चॅन्सलर ओलाफ शोल्झ, इटलीच्या पंतप्रधान जॉर्जिया मेलोनी यांच्यासमवेत स्वतंत्र द्विपक्षीय बैठकांमध्ये पंतप्रधान मोदी सहभागी होतील. (G20 New Delhi summit)
१० सप्टेंबरला होणाऱ्या बैठका
१० सप्टेंबरलाही द्विपक्षीय बैठकांचे सत्र सुरूच राहणार आहे. यामध्ये फ्रेंच फ्रान्सचे राष्ट्राध्यक्ष मॅक्रॉन यांच्यासोबत द्विपक्षीय बैठक होणार आहे. त्यानंतर कॅनडाचे पंतप्रधान जस्टिन ट्रुडो यांच्यासमवेत वार्तालाप, तसेच कोमोरोस, तुर्किये, संयुक्त अरब अमिरात, दक्षिण कोरिया, ब्राझील आणि नायजेरियाच्या राष्ट्रप्रमुखांसमवेत त्याचप्रमाणे युरोपीय महासंघाच्या अध्यक्षा उर्सूला वोन डेर लेयेन यांच्यासमवेतही पंतप्रधान मोदी द्विपक्षीय बैठकांमध्ये चर्चा करतील.