केरळचे नाव 'केरळम' करावे : विधानसभेने केली राज्यघटनेत दुरुस्तीची मागणी
पुढारी ऑनलाईन डेस्‍क : केरळ राज्याचे नाव बदलून ‘केरळम’ (Keralam) करण्याची ठराव आज (दि.९) विधानसभेत एकमताने मजूर करण्यात आला. यासंदर्भातील ठराव मुख्यमंत्री पिनाराई विजयन यांनी मांडला. भारतीय राज्यघटनेच्या आठव्या अनुसूचीमध्ये समाविष्ट असलेल्या सर्व भाषांमध्ये राज्याचे नाव बदलून ‘केरळम’ करावे, अशी विनंती त्यांनी केंद्र सरकारला केली आहे. विधानसभेने राज्यघटनेत दुरुस्ती करण्याची मागणी केली आहे, ज्यात राज्याचा उल्लेख ‘केरळ’ असा होतो.
केरळ राज्याचे नाव बदलून केरळम करावे, असा ठराव काँग्रेसच्या नेतृत्वाखालील विरोधी पक्ष युनायटेड डेमोक्रॅटिक फ्रंट (UDF) ने कोणत्याही सुधारणा किंवा बदल न सुचवता स्वीकारला होता. त्यानंतर विधानसभा अध्‍यक्ष ए.एन. शमसीर यांनी आवाजी मताने विधानसभेने एकमताने हा ठराव मंजूर झाल्‍याची घोषणा केली.
Keralam : नावात बदल का केला ?
राज्याचे नाव बदलाचा ठराव मांडताना मुख्यमंत्री पिनाराई विजयन यांनी सांगितले की, राज्याला मल्याळम भाषेमध्ये ‘केरळम’ असे म्‍हटलं जाते. तर इतर भाषांमध्ये केरळ असे संभोधित करतात. मल्याळम भाषिक समुदायांसाठी संयुक्त केरळमची गरज राष्ट्रीय स्वातंत्र्य लढ्याच्या काळापासून प्रकर्षाने निर्माण झाली आहे. भारतीय राज्यघटनेच्या पहिल्या अनुसूचीमध्ये केरळचे नाव नमूद करण्यात आले आहे.
Kerala CM Pinarayi said in the Assembly today, “A resolution under Rule 118 is being moved in this House requesting the Central Government to change the official name of our state to ‘Keralam’ in all languages included in the Eighth Schedule of the Constitution of India.”
(Pic -… pic.twitter.com/UeqyY4NLKz
— ANI (@ANI) August 9, 2023
हेही वाचा :
- Chandrayaan-3 Mission | चांद्रयान-३ चंद्राच्या दृष्टीक्षेपात; पार केला आणखी एक महत्त्वाचा टप्पा, ISRO ची माहिती
- Hiroshima-Nagasaki : ‘हिरोशिमा-नागासाकी’, दोन्ही अणू हल्ल्यातून आश्चर्यकारकपणे जिवंत राहिलेले ‘यामागुची’!
- No-confidence motion in Lok Sabha | तुम्ही भारत मातेची हत्या मणिपूरमध्ये केली, राहुल गांधींचा मोदी सरकावर हल्लाबोल