Parliament Monsoon Session | राज्यसभेतील तृणमूलचे खासदार डेरेक ओब्रायन अधिवेशनातून निलंबित
नवी दिल्ली, पुढारी ऑनलाईन : राज्यसभेतील तृणमूल काँग्रेसचे खासदार डेरेक ओब्रायन यांना संसदेच्या उर्वरित अधिवेशन कालावधीसाठी निलंबित करण्यात आले आहे. सभागृहातील बेशिस्त वर्तनामुळे त्यांच्यावर ही कारवाई करण्यात आली आहे. सतत सभागृहाच्या कामकाजात अडथळा आणणे, सभापतींची अवमानना करणे आणि सभागृहात सतत गोंधळ निर्माण केल्याचे कारण देत ओब्रायन यांच्या निलंबनाचा प्रस्ताव सभागृह नेते पियूष गोयल यांनी मांडला होता. त्यानंतर राज्यसभेचे सभापती जगदीप धनखड यांनी ओब्रायन यांच्यावर निलंबनाची कारवाई केली. (Parliament Monsoon Session)
TMC MP in Rajya Sabha Derek O’Brien suspended for the remainder of the current Parliament session “for unruly behaviour unbecoming of a Member of Rajya Sabha.”
Leader of the House Piyush Goyal moved a motion for his suspension “for continuously disturbing the proceedings of the… https://t.co/cWFJvhRmYt pic.twitter.com/o6sU758QiX
— ANI (@ANI) August 8, 2023
या निलंबनाच्या आदेशानंतर प्रचंड गदारोळ झाल्याने राज्यसभेचे कामकाज दुपारी १२ वाजेपर्यंत तहकूब करण्यात आले. धनखड आणि तृणमूल काँग्रेसचे खासदार यांच्यात राज्यसभेत जोरदार शाब्दिक चकमक उडाल्यानंतर ओब्रायन यांचे निलंबन करण्यात आले.
ओब्रायन यांनी मणिपूर मुद्यावर गंभीर चर्चेची मागणी लावून धरली. “तुम्ही सभागृहाची सभ्यता बिघडवली आहे. तुम्ही हे जाणूनबुजून केले आहे,” असे धनखड यांनी ओब्रायन यांना उद्देशून म्हटले. पंतप्रधान नरेंद्र मोदी यांच्या नेतृत्वाखालील सरकारविरोधात संसदेत अविश्वास प्रस्तावावर आज चर्चा होत असतानाच डेरेक ओब्रायन यांचे निलंबन करण्यात आले आहे.
गेल्या काही दिवसांपासून मणिपूर मुद्यावरुन राज्यसभेत गदारोळ सुरु आहे. याआधी आपचे खासदार संजय सिंह यांनीही संसदेचे संपूर्ण अधिवेशन कालावधीसाठी निलंबित करण्यात आले होते. (Parliament Monsoon Session)
हे ही वाचा :
- No-confidence Motion Debate LIVE: ‘अविश्वास’ प्रस्ताव मंजूर होणार नाही? तरीही विरोधक का आहेत ठाम : काय आहे तज्ज्ञांचे मत
- No-Confidence Motion | अविश्वास प्रस्तावावर आजपासून सलग ३ दिवस चर्चा, काँग्रेसतर्फे सर्वप्रथम राहुल गांधी बोलणार?