Parliament Monsoon Session first day : मणिपूर प्रकरणावरुन संसदेत प्रचंड गदारोळ, उभय सदनांचे कामकाज बाधित
नवी दिल्ली; पुढारी वृत्तसेवा : मणिपूरमधील कुमी-झोमी समाजाच्या दोन महिलांना निर्वस्त्र करुन त्यांची धिंड काढल्याच्या प्रकरणाचे तीव्र पडसाद संसदेच्या पावसाळी अधिवेशनाच्या पहिल्याच दिवशी उभय सदनात उमटले. संसदेत सर्वप्रथम या विषयावर चर्चा घेण्यात यावी तसेच पंतप्रधान नरेंद्र मोदी यांनी त्यावर निवेदन करावे, असा आग्रह विरोधी पक्षांनी धरला. प्रचंड गदारोळामुळे दोन्ही सदनांचे कामकाज वाया गेले. (Parliament Monsoon Session first day)
विरोधकांच्या गदारोळामुळे लोकसभेत कामकाज आधी दुपारी बारा वाजेपर्यंत आणि नंतर दिवसभरासाठी तहकूब करावे लागले. तर दुसरीकडे राज्यसभेत दोन वेळच्या तहकुबीनंतर कामकाज दिवसभरासाठी गुंडाळावे लागले. मणिपूरच्या मुद्यावर चर्चा घेण्यास सरकार तयार असल्याचे केंद्रीय मंत्री पियुष गोयल यांनी राज्यसभेत सांगितले. सभापती जगदीप धनखड यांनीही या विषयावर अल्पकालीन चर्चेची परवानगी दिली जाऊ शकते, असे सांगितले. मात्र त्यावर विरोधकांचे समाधान झाले नाही.
पंतप्रधान मोदी यांनी केली सोनिया गांधी यांच्या प्रकृतीची विचारपूस
- मणिपूरच्या घटनेवर उभय सदनात चर्चा घेण्यास सरकार तयार असल्याचे संसदीय कार्यमंत्री प्रल्हाद जोशी यांनी लोकसभेत सांगितले.
- अधिवेशनाला सुरुवात होण्यापूर्वी विरोधी पक्षांनी बैठक घेत कोणकोणते मुद्दे उपसि्थत करायचे, यावर खलबते केली.
- बंगालमधील हिंसाचाराच्या मुद्यावर भाजप खासदारांची संसदेच्या प्रांगणात घोषणाबाजी
- मणिपूरमधील ती घटना वेदनादायी असल्याची प्रतिक्रिया काँग्रेसचे नेते शशी थरुर, मणिकम टागोर, भाजपच्या रीता बहुगुणा जोशी, रंजन गोगोई, अपक्ष नवनीत राणा, एमआयएमचे असउद्दीन ओवेसी आदी खासदारांनी दिली.
- राज्यसभेत गदारोळातच मंत्री अनुराग ठाकूर यांनी सिनेमॅटोग्राफिक सुधारणा विधेयक सादर केले
- लोकसभेत सकाळी अकरा वाजता कामकाजाला सुरुवात झाल्यानंतर दिवंगत खासदार बाळू धानोरकर, रतनलाल कटारिया यांच्यासह माजी दिवंगत खासदारांना श्रद्धांजली अर्पण करण्यात आली.
- लोकसभेत आम आदमी पक्षाचे नेते सुशीलकुमार रिंकू यांनी खासदारकीची शपथ घेतली
हेही वाचा
- दिल्लीतील सनदी अधिकारी नियुक्ती प्रकरण; केजरीवाल यांच्या आव्हानानंतर खटला पाच न्यायमूर्तींच्या घटनापीठाकडे सुपूर्द | Delhi Services Ordinance case
- Manipur Violence : ‘लज्जास्पद! भयानक! अधर्म!’ मणिपूर घटना ही विकृतीचा कळस, बी-टाऊन कलाकारांचा संताप
- मणिपूरमधील ‘ताे’ व्हिडिओ सोशल मीडियावरुन काढून टाकण्याचे केंद्राचे निर्देश