Ashadhi Wari 2023 : विठू-माउलीच्या भक्तीरसात राजधानी दिल्ली होणार तल्लीन

नवी दिल्ली, पुढारी वृत्तसेवा : आषाढी एकादशीनिमित्त राजधानी दिल्लीत सांकेतिक वारीचे आयोजन करण्यात आले आहे. टाळ-मृदंग, फुगड्या घालत, भक्ती नाम स्मरत दिल्लीकर मराठी बांधव विठू-माउलींच्या भक्तीरसात वारीतून न्हाऊन निघणार आहे. उद्या, गुरुवारी (दि.२९) पहाटे बाबा खडकसिंह मार्गावरील हनुमान मंदिर येथून ही वारी सुरू होईल. सकाळी साडेनऊ वाजता आर. के. पूरम सेक्टर-६ येथील विठ्ठल मंदिरात वारीची सांगता होईल. या वारी निमित्त अनेक शतकांचा वैभवशाली इतिहास असलेल्या ‘वारी’चे प्रत्यक्ष दर्शन दिल्लीकरांना होईल. (Ashadhi Wari 2023)

पारंपरिक वेशभूषेत भजन-कीर्तन-फुगडी खेळात तल्लीन होत विठूमाऊलीचे दर्शन-आरती नंतर वारीची सांगता होईल, अशी माहिती दिल्ली मराठी प्रतिष्ठानकडून देण्यात आली आहे.