UPI System : 'UPI' रेकॉर्ड ब्रेक; मे महिन्यात 'इतक्या प्रचंड' किमतीचे 9 अब्ज व्यवहार; 58 टक्क्यांपेक्षा जास्त वाढ

पुढारी ऑनलाइन डेस्क : UPI System : ‘UPI’ ने या वर्षीच्या मे महिन्यात रेकॉर्ड ब्रेक व्यवहार केले आहेत. ताज्या डेटानुसार 9 अब्जाहून अधिक UPI व्यवहार झाल्याची नोंद आहे. ज्याची किंमत 14 लाख कोटींहून अधिक आहे. मे महिन्यात मासिक UPI व्यवहारांची संख्या वार्षिक आधारावर 58 टक्क्यांहून अधिक वाढली आहे, ज्यामुळे ते आतापर्यंतचे सर्वोच्च प्रमाण आणि मूल्य आहे. गेल्या वर्षीच्या तुलनेत याच कालावधीतील मासिक व्यवहार मूल्य 43 टक्क्यांनी वाढले आहे.

UPI System : ‘UPI’ चा जागतिक स्तरावर विश्वासार्ह पेमेंट मोड म्हणून उदय

भारताने 2016 मध्ये पैशांच्या देवाण घेवाण व्यवहारासाठी UPI (युनिफाइड पेमेंट्स इंटरफेस) ही प्रणाली लाँच केली. तेव्हापासून पैशांचे व्यवहार डिजिटल स्वरुपात करणे सोपे झाले. UPI पेमेंट प्रणाली ही जागतिक स्तरावर स्वीकृत प्रणालींपैकी एक आहे. गेल्या सहा वर्षात UPI ही एक विश्वासार्ह पेमेंट मोड म्हणून उदयास आली आहे.

डेटा हे देखील दर्शविते की भारताच्या स्वदेशी पेमेंट सिस्टमने आर्थिक वर्ष 2023 मध्ये 83 अब्ज व्यवहारांवर प्रक्रिया केली आहे. ज्याची रक्कम ₹ 139 लाख कोटी आहे. आर्थिक वर्ष 2022 मधील 38 अब्ज व्यवहारांमधून हे ₹ 84 लाख कोटी इतके वाढले आहे.

UPI System : अनिवासी भारतीयांना व्यवहरांसाठी UPI प्रणाली उपलब्ध

सरकारने 10 देशातील अनिवासी भारतीयांना UPI प्रणाली व्यवहारासाठी उपलब्ध करून दिली आहे. ते त्यांच्या भारतीय फोन नंबरवर अवलंबून न राहता व्यवहरांसाठी UPI सेवेचा उपयोग करू शकतात. सिंगापूर, अमेरिका, ऑस्ट्रेलिया, कॅनडा, हाँगकाँग, ओमान, कतार, सौदी अरेबिया, यूएई आणि यूके हे देश आहेत.

UPI System :भारतात येणाऱ्या प्रतिनिधींना UPI सेवा उपलब्ध

सरकारने भारतातील अभ्यागतांना UPI वापरण्यासाठी उपलब्ध करून दिले आहे. G20 देशातील अभ्यागतांना सुरुवात करण्यासाठी UPI पेमेंट करण्याची परवानगी आहे. मात्र, ती विशिष्ट विमानतळांवर देण्यात आली आहे. नोव्हेंबरपर्यंत भारताकडे G-20 चे अध्यक्षपद असल्याने, देशातील अनेक कार्यक्रमांना परदेशी प्रतिनिधींना आमंत्रित करण्यात आले आहे.

हे ही वाचा :

आता अश्वगंधा करणार कोरोना विषाणूचा खात्मा

Joe Biden : अमेरिकेचे राष्ट्राध्यक्ष जो बायडेन पाय अडखळून पडले अन्…पाहा व्हायरल व्हिडिओ