पंतप्रधान मोदी यांच्या हस्ते उद्या होणार ७१ हजार नियुक्तीपत्रांचे वाटप
नवी दिल्ली; पुढारी वृत्तसेवा : रोजगार मेळावा मोहिमेअंतर्गत पंतप्रधान नरेंद्र मोदी यांच्या हस्ते मंगळवारी (दि.१५) देशभरातील ७१ हजार युवकांना नियुक्तीपत्रांचे वाटप केले जाणार आहे. पोस्ट कार्यालयातील पोस्ट सेवक, इन्स्पेक्टर ऑफ पोस्ट या पदांबरोबरच विविध खात्यांतील तिकीट क्लार्क, कनिष्ठ क्लार्क कम टायपिस्ट, कनिष्ठ अकाउंटस क्लार्क, ट्रॅक मेंटेनर, असि. सेक्शन ऑफिसर, लोअर डिव्हिजन क्लार्क, उपविभागीय अधिकार, कर सहाय्यक आदी पदांसाठी ही नियुक्तीपत्रे दिली जातील.
सरकारी खाती आणि मंत्रालयांमध्ये युवकांना रोजगार मिळावा, यासाठी केंद्र सरकारकडून मागील काही काळापासून रोजगार मेळाव्याचे आयोजन केले जाते. चालू वर्षाच्या अखेरपर्यंत दहा लाख युवकांना रोजगार देण्याचे उद्दिष्ट सरकारने ठेवले आहे. रोजगार मेळाव्याचे औचित्य साधत पंतप्रधान मोदी युवकांना आभासी माध्यमातून मार्गदर्शनही करणार आहेत. देशातील एकूण ४५ ठिकाणी हा रोजगार मेळावा होईल.
हेही वाचा :
- Ajit Pawar : लोकसभेच्या जागावाटपाबाबत ‘मविआ’ची समिती गठीत होणार : अजित पवार
- Adani-Hindenburg Row | अदानी कंपन्यांच्या चौकशीबाबत SEBI ने सुप्रीम कोर्टात दिली महत्त्वाची माहिती
- Punjab court summons Mallikarjun Kharge | मल्लिकार्जुन खर्गे यांना कोर्टाचे समन्स, जाणून घ्या काय आहे प्रकरण?