Earthquake in Delhi-NCR : भूकंपाने दिल्ली हादरली; तीव्रता ६.६ रिश्टर स्केल

नवी दिल्ली, वृत्तसंस्था : राजधानी दिल्लीसह एनसीआर, गाझियाबाद आणि चंदीगडच्या काही भागांत मंगळवारी रात्री सव्वादहाच्या सुमारास भूकंपाचे धक्के बसले. हे धक्के सुमारे तीस सेकंदांपर्यंत जाणवले. भूकंपाचा केंद्रबिंदू अफगाणिस्तानमधील फैजाबाद शहरात असल्याचे सांगण्यात आले. भूकंपमापन यंत्रावर त्याची तीव्रता 6.6 रिश्टर स्केल नोंदली गेली. (Earthquake in Delhi-NCR)

दिल्लीखेरीज गाझियाबाद परिसरातही हे धक्के जाणवले. त्यामुळे लोक घराबाहेर सैरावैरा धावत सुटले. काही ठिकाणी या भूकंपामुळे घरांना तडे गेल्याचे वृत्त आहे. सुदैवाने कोणतीही मोठी हानी अथवा जीवितहानी झालेली नाही, असे प्राथमिक वृत्तात म्हटले आहे. (Earthquake in Delhi-NCR)

या भूकंपाचा केंद्रबिंदू अफगाणिस्तानच्या फैजाबाद शहरात असल्याचे सांगण्यात आले. विशेष म्हणजे, या धक्क्यांनंतर जम्मू आणि काश्मीरमध्ये दूरदळणवळण सेवा काही काळ खंडित झाली होती. पाकिस्तानातील इस्लामाबाद, लाहोर आणि पेशावर शहरांतही काही काळ भूकंपाचे धक्के जाणवल्याचे वृत्त आहे.

अधिक वाचा :

• Election 2024 : राज्य विधानसभा, लोकसभा निवडणूक एकत्र घेण्याचा प्रस्ताव; 'मविआ'त फूट शक्य
• २०२४ : भाजप हॅट्ट्रिक करणार!
• Most Valued Celebrity 2022 : विराट कोहलीला पछाडत अभिनेता रणवीर सिंह ठरला सर्वाधिक ब्रँडव्हॅल्यू असणारा सेलिब्रिटी