जम्मू-काश्मीर : राजौरी येथे दहशतवाद्यांच्या गोळीबारात २ नागरिकांचा मृत्यू
पुढारी ऑनलाईन डेस्क : जम्मू-काश्मीरमधील राजौरी येथील लष्करी रुग्णालयाजवळ दहशतवाद्यांनी केलेल्या गोळीबारात दोन नागरिकांचा मृत्यू झाला. आज (दि.१६) पहाटेच्या सुमारास ही घटना घडली. पोलीस, सुरक्षा दल आणि नागरी प्रशासन अधिकारी घटनास्थळी दाखल झाले आहेत.
राजौरी येथील लष्करी रुग्णालयाजवळ अज्ञात दहशतवाद्यांनी केलेल्या गोळीबारात दोन जणांचा मृत्यू झाल्याची माहिती लष्कराने दिली आहे. पोलीस, सुरक्षा दल आणि नागरी प्रशासनाचे अधिकारी घटनास्थळी असून या प्रकरणाचा तपास सुरू असल्याचे लष्कराकडून सांगण्यात आले आहे.
दरम्यान, दोन स्थानिक नागरिकांचा मृत्यू झाल्याचे समजताच परिसरात तणावाचे वातावरण निर्माण झाले आहे. स्थानिक लोकांनी जम्मू-राजोरी महामार्गावर उतरून निदर्शने केली. लष्कराच्या गोळीबारात दोन नागरिकांचा मृत्यू झाल्याचा आरोप स्थानिकांनी केला आहे. नागरिकांनी याबाबत घोषणाबाजी करत रास्ता रोको केला. या प्रकरणाची चौकशी करून एफआयआर नोंदवावा, मृतांच्या कुटुंबीयांना प्रत्येकी १० लाखांची भरपाई, नातेवाईकांना नोकरी, मुलांना मोफत शिक्षण देण्यात यावे, अशी मागणी करण्यात आली आहे. घटनास्थळी पोलीस, सुरक्षा दल आणि प्रशासकीय अधिकारी उपस्थित आहेत.
J&K | In an early morning firing incident by unidentified terrorists at Rajouri near Military Hospital, there has been fatal casualty of two individuals. The Police, security forces and civil administration officials are on the site: White Knight Corps, Indian Army pic.twitter.com/6DcnZF6BE4
— ANI (@ANI) December 16, 2022
2 killed in firing near Military Hospital in J-K’s Rajouri
Read @ANI Story | https://t.co/NWWp0Chl2c#JammuAndKashmir pic.twitter.com/vhs48Y3Hbw
— ANI Digital (@ani_digital) December 16, 2022
हेही वाचा :
- Cyber Crime : सावधान, ‘सायबर फ्रॉड’ विणताहेत ‘सिमकार्ड स्वॅपिंग’चे जाळे, क्षणार्धात होते बँक खाते रिकामे
- Supercar : हैदराबादच्या धनकुबेराने घेतली 12 कोटींची सुपरकार
- सीमाप्रश्नी महाराष्ट्राची अवहेलना ; माजी मंत्री आमदार बाळासाहेब थोरात यांची खंत