वाहनांमध्ये आगीच्या धोक्याची सूचना देणारी यंत्रणा बसवा, केंद्रीय परिवहन मंत्रालयाची अधिसूचना
नवी दिल्ली पुढारी वृत्तसेवाः
प्रवासी गाड्यांमध्ये ज्या भागामध्ये प्रवासी बसतात, त्या भागामध्ये आग लागताच धोक्याचा गजर वाजून सूचना देणारी प्रणाली आणि आग संरक्षक प्रणाली बसविण्यात यावी, असे निर्देश केंद्रीय परिवहन मंत्रालयाने दिले आहेत. मंत्रालयाने यासंबंधी अधिसूचना काढली असून यासाठी ऑटोमोटिव्ह इंडस्ट्री स्टँडर्ड-१३५ (एआयएस) नुसार टाईप-तीनच्या वाहनांच्या रचनेमध्ये आणि बांधणीमध्ये सुधारणा करण्यात येईल, असे मंत्रालयाने स्पष्ट केले आहे. (केंद्रिय परिवहन मंत्रालय)
अशा प्रकारच्या टाईप-तीनच्या वाहनांचा उपयोग लांब पल्ल्याच्या प्रवासी वाहतुकीसाठी तसेच शालेय मुलांच्या वाहतुकीसाठी केला जातो. सध्या, एआयएस-१३५ नुसार इंजिनाच्या भागामध्ये आग लागली तर ते लक्षात येण्यासाठी गजर वाजवून सूचित केले जाते. इंजिनामध्ये बिघाड होवून आग लागल्यानंतर प्रवाशांना ते असलेल्या भागात निर्माण झालेली प्रचंड उष्णता आणि धूर यामुळे जास्त दुखापत होते आणि त्रास होतो असे प्रवासी गाड्यांना लागलेल्या आगींच्या कारणांचा आणि याप्रकारच्या अपघातांचा अभ्यास केल्यानंतर लक्षात आले आहे. (केंद्रिय परिवहन मंत्रालय)
पंरतु, यंत्रणेच्या कार्यान्वयामुळे प्रवासी गाडीला आग लागली तर आत निर्माण झालेल्या उष्णतेचे व्यवस्थापन करून गाडीतल्या प्रवाशांना बाहेर काढण्यासाठी थोडा जास्त वेळ मिळू शकतो तसेच उष्णता आणि धूर यांना नियंत्रित केले तर प्रवासी जखमी होण्याचे प्रमाण कमी करता येईल,टाळताही येईल असा दावा मंत्रालयाने केला आहे.यासाठी गाडीमध्ये पाण्याच्या वाफेवर आधारित सक्रिय अग्निसुरक्षा प्रणाली आणि गाड्यांसाठी वेगळी आगीची सूचना देणारी गजर यंत्रणा ज्या भागात प्रवासी आहेत, त्या भागात बसविणे आवश्यक आहे.
- Ashleigh Barty : ॲशलेघ बार्टीने रचला इतिहास, कॉलिन्सचा पराभव करून पटकावले ऑस्ट्रेलियन ओपनचे विजेतेपद
प्रवाशांच्या भागातले तापमान ५० अंश सेल्सीअसच्या आत राखण्यासाठी गाड्यांची नवीन संरचना करावी लागणार आहे.आगप्रतिबंधक नवीन प्रमाणित संरचना निश्चित करण्यासाठी या क्षेत्रातल्या संबंधित भागधारक आणि तज्ज्ञांबरोबर विचारविनिमय करण्यात आला आहे. यानुसार अग्निशमन तंत्रज्ञान, याविषयीचे जोखीम मूल्यांकन, तसेच सेंटर फॉर फायर एक्सप्लोझिव्ह अँड एन्व्हायर्नमेंट सेफ्टी (सीएफईईएस), डीआरडीओ या संस्थेतील संबंधितांबरोबर चर्चा करण्यात आली असल्याचे मंत्रालयाकडून सांगण्यात आले आहे. (केंद्रिय परिवहन मंत्रालय)
हेही वाचलतं का?
- अर्थसंकल्पीय अधिवेशन : दोन दिवसांसाठी शून्य काळ स्थगित
- शिक्षक भरती घोटाळ्यात आयएएस अधिकारी सुशील खोडवेकर यांना अटक
- Bank New Rules : १ तारखेपासून बँकांच्या नियमांमध्ये बदल जाणून घ्या