सातारा : पुढारी वृत्तसेवा : राष्ट्रवादीचे अध्यक्ष शरद पवार ज्येष्ठ नेते आहेत. त्यांनी मांडलेले विचार योग्यच आहेत. मी मान्य करतो. परंतु विश्वासघात करण्याची आमची परंपरा नाही. अखेरीस निवडणुकीत कोण काय करतंय, कोण काय करत नाही, हा भाग वेगळा, अशा शब्दांत खासदार उदयनराजे यांनी शरद पवार यांनी केलेल्या टीकेचा समाचार घेतला. ते जलमंदिर पॅलेस येथे माध्यमांशी बोलत होते.
सातारा दौऱ्यावर आले असता शरद पवार यांनी खासदार उदयनराजे यांच्यावर टीका केली होती. उदयनराजे यांच्यावर भाजपने मोठी जबाबदारी दिली तरी राष्ट्रवादीवर काहीही परिणाम होणार नाही. त्यांनी लोकसभेच्या पोटनिवडणुकीत अनुभवले आहे, असा टोला लगावला होता. त्यावर आज (दि.१६) खासदार उदयनराजे यांना माध्यमांनी छेडले असता राजेंनी उत्तर दिले.
दरम्यान, सातारा जिल्ह्यातील सर्व सुशिक्षित तरुण- तरुणींना नोकरीची संधी मिळावी, यासाठी महाराष्ट्र शासनाने दि. २१ व २२ मे कालावधीत यशोदा टेक्निकल कॅम्पस (वाढे, सातारा) येथे रोजगार मेळाव्याचे आयोजन करण्यात आले आहे. हा उपक्रम खासदार उदयनराजे यांच्या पुढाकारातून होणार आहे. त्याची माहिती आज उदयनराजेंनी जलमंदिर पॅलेस येथे माध्यमांना दिली.
हेही वाचा
