Nagpur Teacher Beating Student
नागपूर: गणिताचे उत्तर चुकलं म्हणून विद्यार्थिनीला बेदम मारहाण केल्याची घटना कुही तालुक्यातील देवळी कला येथे घडली आहे. मारहाणीत विद्यार्थिनीच्या हाताला गंभीर दुखापत झाली आहे. याप्रकरणी चाइल्ड हेल्पलाईनच्या हस्तक्षेपानंतर शिक्षकाविरुद्ध गुन्हा दाखल करण्यात आला आहे. मनोहर वाडी भसमे, असे या शिक्षकाचे नाव आहे.
देवळी कला येथील जिल्हा परिषदेच्या प्राथमिक शाळेमध्ये पाचवीच्या वर्गात पीडित विद्यार्थिनी शिकते. १० मार्च रोजी देवळीकला विद्यालयातील वर्गात तास सुरू होता. यावेळी शिक्षकाने दिलेल्या गणिताच तिने चुकीचं उत्तर दिलं. गणित का चुकलं, म्हणत संतापलेल्या शिक्षकाने तिला मारहाण केली. यामध्ये तिच्या हाताला जबर दुखापत झाली.
या घटनेची चाईल्ड हेल्पलाईनला माहिती मिळताच विद्यार्थिनीच्या घरी जाऊन त्यांनी चौकशी केली. मारहाणीनंतर शिक्षकाने विद्यार्थिनीच्या पालकांना बोलावून याबाबत कोणाला सांगितल्यास मुलीला शाळेतून काढण्याची धमकी दिली होती, असे पालकांनी सांगितले.
