गोंदिया, पुढारी वृत्तसेवा : भंडारा-गोंदिया सार्वत्रिक लोकसभा मतदारसंघाच्या निवडणुकीसाठी बुधवारी (दि. २७ मार्च) नामनिर्देशन पत्राच्या अंतिम तारखेला उशिरापर्यंत ४० उमेदवारांनी ४९ नामांकन अर्ज दाखल केले. दरम्यान, आज, छाननी प्रक्रीया पार पडली असता १५ अपक्ष उमेदवारांसह २२ उमेदवारांचे अर्ज नियमानुसार वैध ठरले आहे. एकंदरीत अपक्ष उमेदवारांची आकडेवारी पाहता सद्यातरी अपक्षांची गर्दी दिसून येत असून ही गर्दी राजकिय पक्षाच्या अधिकृत उमेदवारांची डोकेदुखी वाढविणारी ठरण्याची शक्यता आहे.