FDA Action Chandrapur | शाकाहारी,मांसाहारी पदार्थ तयार करण्यासाठी एकाच तंदूरचा वापर; चंद्रपुरातील चार हॉटेलचे परवाने निलंबित

अस्वच्छ स्वयंपाकघर, गंजलेले फ्रीज; एफडीएची मोठी कारवाई
Chandrapur Four Hotels License Suspended
Chandrapur Four Hotels License SuspendedPudhari
Published on: 
Updated on: 

Chandrapur Four Hotels License Suspended

चंद्रपूर : हॉटेलमधील अस्वच्छ स्वयंपाकघर, गंजलेले फ्रीज आणि शाकाहारी व मांसाहारी पदार्थ तयार करण्यासाठी एकाच तंदूरचा वापर होत असल्याचे धक्कादायक प्रकार उघडकीस आले आहेत. अन्न सुरक्षेच्या नियमांचे उल्लंघन करणाऱ्या चंद्रपूर शहर आणि भद्रावती तालुक्यातील चार हॉटेल व नाष्टा सेंटरवर अन्न व औषध प्रशासनाने (एफडीए) कारवाई केली आहे. या चारही आस्थापनांचे परवाने आणि नोंदणी प्रमाणपत्र तात्काळ निलंबित करण्यात आले आहेत.

अन्न व औषध प्रशासनाच्या पथकाने या आठवड्यात अचानक तपासणी मोहीम राबविली. यावेळी अनेक हॉटेलमधील स्वच्छतेचा अभाव आणि अन्न हाताळणीतील निष्काळजीपणा समोर आला. ग्राहकांच्या आरोग्याला धोका निर्माण होऊ शकणाऱ्या त्रुटी आढळल्याने प्रशासनाने संबंधित आस्थापनांविरोधात कठोर पावले उचलली.

Chandrapur Four Hotels License Suspended
Chandrapur news: वरोरा बसस्थानकावर गर्दीचा फायदा घेत महिलेचे मंगळसूत्र लंपास

कारवाई करण्यात आलेल्या आस्थापनांमध्ये चंद्रपुरातील तुकुम येथील सुलतान ईफहाम बिर्यानी सेंटर, आझाद गार्डनसमोरील मौचक फॅमिली रेस्टॉरंट, मूल रोडवरील श्रीहरी नाष्टा सेंटर आणि भद्रावती तालुक्यातील भामडेळी येथील विर्य वाईल्डलाईफ टुर्स एलएलपी (रिसॉर्ट) यांचा समावेश आहे.

विशेष म्हणजे, एप्रिल २०२६ पासून आतापर्यंत जिल्ह्यातील एकूण १५ आस्थापनांचे परवाने व नोंदणी प्रमाणपत्र निलंबित करण्यात आले आहेत. या सातत्यपूर्ण कारवाईमुळे अन्न व्यावसायिकांमध्ये खळबळ उडाली आहे.

Chandrapur Four Hotels License Suspended
Chandrapur News: वरोराजवळ इंधन टँकरचा भीषण अग्नितांडव; ढाबा आणि चारचाकी-दुचाकी वाहने आगीच्या भक्ष्यस्थानी

ही कारवाई सहायक आयुक्त प्रवीण उमप यांच्या मार्गदर्शनाखाली करण्यात आली. अन्न सुरक्षा अधिकारी कुणाल मुळे, उमेश कापगते आणि प्रणय कांबळे यांच्या पथकाने तपासणी व कारवाईची प्रक्रिया पूर्ण केली. ग्राहकांना सुरक्षित आणि स्वच्छ अन्न मिळावे, यासाठी प्रशासनाकडून तपासणी मोहीम अधिक तीव्र केली जात आहे.

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.