यावेळी खासदार राणा म्हणाल्या की, सत्तेचा दुरूपयोग करून राजकीय दबावातून गुन्हे दाखल करण्यात येत आहेत. असे गुन्हे कोणावर दाखल केले तर उद्या रस्त्यावर उतरून याचा विरोध करण्यातील येईल. राजापेठ पोलीस ठाणे 3 मिनिटांच्या अंतरावर आहे तरी एफआयआर करण्यास १० तास लागले कसे लागले?, असा सवालही नवनीत राणा यांनी केला. याबाबत केंद्र सरकारकडे तक्रार करणार आणि संसदेत याबाबत चैाकशीची मागणी करणार असल्याचेही त्यांनी सांगितले.
छत्रपती शिवाजी महाराज यांचा पुतळा राजापेठ उड्डाणपूलावर बसविण्याबाबत महापालिकेने परवानगी दिली नाही. याबाबत आमसभेत युवा स्वाभिमानच्या नगरसेवकांनी प्रस्ताव ठेवला हाेता का ? या प्रश्नावर खासदार नवनीत राणा निरुत्तर झाल्या. यावेळी युवा स्वाभिमानचे राजीनामा दिलेले नगरसेवक शांत होते.
युवा स्वाभिमानच्या कार्यकर्त्यांनी मनपा आयुक्तांवर शाई फेक केलेली नाही, असा दावा करत एक व्यक्तीने फोन करुन आमदार राणा येणार असल्याचे सांगत बोलाविले. यानंतर आयुक्त आष्टीकर आले. कोणीही बोलावले तर आयुक्त येतील का? असा सवाल नवनीत राणा यांनी केला.
हेही वाचलतं का?
