Assistant Professor : सहाय्यक प्राध्यापक भरतीचा मार्ग मोकळा; रिक्त पदांपैकी ४० टक्के सहायक प्राध्यापक पदभरतीसाठी वित्त विभागाची मान्यता
नागपूर : पुढारी वृत्तसेवा महाविद्यालयीन विद्यार्थ्यांचे हित लक्षात घेऊन वित्त विभागाने रिक्त पदांपैकी ४० टक्के सहाय्यक प्राध्यापक (Assistant Professor) भरतीसाठी मान्यता दिली आहे. पद भरतीसाठी आवश्यक असलेले ना हरकत प्रमाणपत्र देण्याची कार्यवाहीही सुरू असल्याची माहिती उच्च व तंत्र शिक्षण मंत्री चंद्रकांत पाटील यांनी दिली.
२०८८ सहाय्यक प्राध्यापकांच्या पदभरतीवरील निर्बंध शिथील केले असून ही भरतीही लवकरच केली जाईल. यामध्ये सेट, नेट, पीएचडी, एम फील झालेल्यांवर अन्याय होणार नाही, याची दक्षता घेतली जाईल. शारीरिक शिक्षण संचालक, ग्रंथपाल आणि प्रयोगशाळा सहायक पदांना मान्यता घेऊन पुढील महिन्यात ही पदभरती केली जाणार आहे. महादेव जानकर यांनी मांडलेल्या लक्षवेधीला उत्तर देताना ते बोलत होते. सहायक प्राध्यापकांच्या ३५८० पदांना उच्चस्तरीय समितीने स्थगिती उठवून मंजुरी दिलेली आहे. यातील १९४९२ पदे भरण्यात आलेली आहेत. शिवाय २१९ पदांच्या भरतीस शासनाने ना हरकत प्रमाणपत्र दिले आहे.
सहायक प्राध्यापक भरतीबाबत विधान परिषद सदस्य महादेव जानकर यांनी लक्षवेधी सूचना मांडली होती. त्याला उत्तर देताना पदभरतीसाठी आवश्यक असणारी ना हरकत प्रमाणपत्र देण्याची कार्यवाही सुरू करण्यात आल्याचं स्पष्ट केलं. @CMOMaharashtra@mieknathshinde@Dev_Fadnavishttps://t.co/E0yzKVf1bB
— Chandrakant Patil (@ChDadaPatil) December 28, 2022
हेही वाचा
- MP Rahul Shewale : खा. शेवाळेंनी आरोप केलेल्‍या तरुणीचे ट्विट चर्चेत, “मला न्याय हवा आहे …”
- Devon Conway : डेव्हॉन कॉनवेची कमाल, पाकिस्‍तान विरुद्धच्‍या सामन्‍यात ३७ वर्षांपूर्वीचा विक्रम मोडित
- Party Hard : तुम्हीही ‘Party animal’ असाल तर ‘हॉलिडे हार्ट सिंड्रोम’बाबत तुम्हाला ‘हे’ माहिती हवंच
- US winter storm | अमेरिकेतील हिमवादळात ६० मृत्यू, कारमध्ये सापडले अनेक गोठलेले मृतदेह, धबधब्यांचा प्रवाह थांबला!