भंडारा पुढारी वृत्तसेवा : उभ्या असलेल्या ट्रकला भरधाव येणाऱ्या ट्रॅव्हल्सने मागून जोरदार धडक दिली. या भीषण अपघातात ट्रॅव्हल्समधील चालक, क्लिनरचा जागीच मृत्यू झाला आहे. ही घटना भंडारा -साकोली राष्ट्रीय महामार्गवरील मोहघाट जंगल परिसरामध्ये आज सकाळच्या सुमारास घडली. अपघातामुळे मोठ्या प्रमाणात वाहतूक खोळांबली होती.
रायपूरवरून निघालेली ट्रॅव्हल्स नागपूरकडे भरधाव जात असताना उभ्या असलेल्या ट्रकला भीषण धडक दिली. हा अपघात इतका भीषण होता की, या अपघातात ट्रॅव्हल्सच्या समोरील भाग चक्काचूर झाला आहे. दरम्यान, ट्रॅव्हल्समधील जखमी प्रवाशांना साकोली येथील सामान्य रुग्णालयात हलविण्यात आले आहे. ट्रॅव्हल्समध्ये जखमी झालेल्या रुग्णांची प्रकृती स्थिर असल्याचे सांगण्यात आले आहे. या अपघातानंतर राष्ट्रीय महामार्ग वरील वाहतूक संत गतीने होती.
हेही वाचलंत का?
