ठाणे : दौऱ्यावर असूनही मुख्यमंत्र्यांनी केला ६५ फाईल्सचा निपटारा

ठाणे ; पुढारी वृत्तसेवा सातारा दौऱ्यावर असलेल्या मुख्यमंत्री एकनाथ शिंदे यांनी काल (मंगळवार) दूरदृश्य प्रणालीद्वारे मुख्यमंत्री सचिवालयातील ६५ फाईल्सचा निपटारा केला.

मुख्यमंत्री सचिवालयात विविध विभागांच्या फाईल्स येत असतात. त्या प्रलंबित राहू नयेत म्हणून नियमित निपटारा करण्यात येतो. मुख्यमंत्री सध्या सातारा दौऱ्यावर असून, सचिवालयातील फाईल्स थांबून राहू नयेत म्हणून त्यांनी काल व्हीसीद्वारे अतिरिक्त मुख्य सचिव तसेच इतर वरिष्ठ अधिकाऱ्यांची बैठक घेऊन विविध विभागांच्या ६५ फाईल्सचा निपटारा केला तसेच सूचना ही दिल्या.

सध्या अवकाळी पावसाचे वातावरण असून, मुख्यमंत्र्यांनी त्याही अनुषंगाने मदत व पुनर्वसन विभागाला तयारीत राहण्याबाबत निर्देश दिले.

हेही वाचा :  

• Karnataka Elections : मंत्री जोल्ले विरोधकांना भारी : केंद्रीय मंत्री स्मृती इराणी यांचे प्रतिपादन 
• कृषी उत्पन्न बाजार समिती निवडणूक : राजाभाऊंचे आरोप अन् माणिकरावांचे खुलासे; प्रचार टोकाला 
• Operation Kaveri: सुदानमधून १३५ भारतीयांची तिसरी तुकडी रवाना