ठाणे : महिला पोलीस कर्मचाऱ्याची पोलीस स्टेशनमध्‍येच गळफास घेवून आत्महत्या
ठाणे : पुढारी वृत्तसेवा : ठाण्यातील श्रीनगर पोलीस स्टेशन येथे महिला पोलीस कर्मचाऱ्याने पोलीस स्टेशनमध्‍येच गळफास घेऊन आत्महत्या केली. ही घटना आज (दि.१६) दुपारी घडली. या घटनेमुळे पोलीस दलात एकच खळबळ उडाली आहे. घरगुती वादातून ही घटना घडल्याची वरिष्ठ पोलीस अधिकाऱ्यांनी प्राथमिक माहिती दिली.
अनिता भीमराव व्हावळ (वय 34) असे आत्महत्या केलेल्या महिला पोलीसाचं नाव आहे. त्या ठाण्यातील श्रीनगर पोलीस ठाण्यात महिला पोलीस नाईक पदावर कार्यरत होत्या. 2008 च्या बॅचच्या महिला पोलीस कर्मचारी होत्या.
मंगळवारी दीड वाजताच्या सुमारास पोलीस स्थानकातील महिला पोलीस कर्मचारी यांनी अनिता यांना गळफास घेतल्याचे पाहिले. अनिता व्हावळ यांच्‍या मागे दोन मुली, पती असा परिवार आहे. या घटनेबाबत श्रीनगर पोलिसात आकस्‍मिक मृत्यूची नोंद करण्यात आली आहे.
हेही वाचा
- औरंगाबाद : अंबाडी प्रकल्पाजवळील खदाणीत ४० वर्षीय इसमाचा बुडून मृत्यू
- हिंगोली : लग्नाचे आमिष दाखवून अल्पवयीन मुलीवर अत्याचार
- जम्मू- काश्मीर : पहलगाम जवळ चंदनवाडी येथे बस नदीपात्रात कोसळून ७ जवानांचा मृत्यू, ३० जखमी