सोलापूर : घरात शक्‍तिशाली स्फोट; एकाचा मृत्यू, एक गंभीर जखमी, नातेवाईकांकडून घातपाताचा संशय
सोलापूर वृत्तसेवा : घरात झालेल्या स्फोटात एकाचा मृत्यू झाला. तर, एक जण गंभीर जखमी झाल्याने त्याच्यावर पंढरपूर येथील खासगी रुग्णालयात उपचार सुरू आहेत. दरम्यान मृत अतुल बाड यांच्या नातेवाईकांनी घातपाताचा संशय व्यक्त केला असून, या प्रकरणाची संपूर्ण चौकशी करून संबंधितांवर खुनाचा गुन्हा दाखल करावा अशी मागणी केली आहे.
ही घटना आज (शुक्रवार) मध्यरात्री १ वाजण्याच्या सुमारास महूद (ता. सांगोला) येथील एका बिल्डिंगमध्ये घडली. अतुल आत्माराम बाड असे मृत व्यक्तीचे नाव आहे. तर, दिपक विठोबा कुटे (रा. शिवापुरी ता. आटपाडी) असे जखमीचे नाव आहे. दरम्यान मध्यरात्री स्फोटाच्या आवाजाने सुमारे १ किमी परिसर हादरून गेल्याने लोक घराबाहेर पळाले. दुकानाचे समोरील शटर सुमारे २५० फूट अंतरावर फेकले गेले. या दुर्घटनेची माहिती मिळताच सांगोला पोलिसांनी घटनास्थळी धाव घेऊन जखमीला तातडीने पंढरपूर येथे उपचारसाठी हलवले.
हेही वाचा :
