पंढरपूर : श्रीसंत निवृत्तीनाथ महाराज पालखी सोहळ्याचे मानकरी प्रसन्न महाराज बेलापूरकर यांचे निधन

पंढरपूर : पुढारी वृत्तसेवा : श्रीसंत निवृत्तीनाथ महाराज पालखी सोहळ्याचे मानकरी ह.भ.प. प्रसन्न महाराज बेलापुरकर (वय ३३ ) यांचे हृदयविकाराच्या धक्क्याने निधन झाले. पंढरपूर येथे श्री.संत निवृत्तीनाथ महाराज या मंदिराचे काम ते पाहत होते. त्‍यांच्या आकस्‍मिक निधनाने वारकरी संप्रदाय आणि त्‍यांचे शिष्यवर्गाला धक्का बसला आहे.

वारकरी संप्रदायातील सेवाभावी व्यक्तीमत्व म्हणून ह.भ.प. प्रसन्न महाराज बेलापुरकर यांची ओळख होती. प्रसन्न महाराज हे मनमिळाऊ स्वभावाचे होते. ते कीर्तनाच्या माध्यमातून वारकऱ्यांमध्ये लोकप्रिय होते. आज ( दि. २६ ) पहाटे सहा वाजता झोपेतून उठल्यानंतर हृदयविकाराचा तीव्र झटक्‍यामुळे त्‍यांचे निधन झाले. त्यांचे पश्चात त्यांचे चुलत बंधू व बेलापुरकर फडाचे गादीअधिकारी मनोहर महाराज बेलापुरकर यांच्यासह आई, भाऊ असा परिवार आहे.

हेही वाचा  

• नागपूर : संविधान दिनानिमित्त दीक्षाभूमीत संविधान प्रास्तविकेचे वाचन; बाबासाहेबांचा जयघोष, अस्थिकलशावर पुष्पवर्षाव
• जळगाव : अतिक्रमण प्रश्नी मोर्चेकरी आक्रमक; पालकमंत्र्यांनी रस्त्यावर मांडला ठिय्या
• … म्हणून विक्रम गोखले यांनी एकदा नव्हे तर दोन वेळा घेतला होता अभिनय क्षेत्रातून संन्यास, वाचा सविस्तर