Navratri 2026 10 Days
कराड : यंदाचा शारदीय नवरात्रोत्सव दहा दिवसांचा असणार आहे. यंदा दि. ११ ते २० ऑक्टोबरदरम्यान नवरात्रोत्सव साजरा होणार असून, त्यासाठी सर्वत्र तयारीला वेग आला आहे. सलग दुसऱ्यावर्षी नवरात्रोत्सव दहा दिवसांचा असणार आहे. याच कारण काय हे जाणून घेऊया...
तिथीच्या क्षयवृद्धीमुळे नवरात्रोत्सव कधी आठ किंवा दहा दिवसांचा साजरा होतो. यंदा सप्तमी तिथीची वृद्धी झाल्याने नवरात्रोत्सव दहा दिवसांचा असणार आहे. गेल्या वर्षीही म्हणजेच २०२५ मध्ये तृतीया तिथीची वृद्धी झाल्याने नवरात्रोत्सव दहा दिवसांचा होता.
आश्विन शुक्ल प्रतिपदेपासून शारदीय नवरात्रोत्सवाला सुरुवात होते. यंदा रविवारी (दि. ११) नवरात्रोत्सवाला सुरुवात होणार असून, याच दिवशी घटस्थापना केली जाणार आहे. तर दसरा २० ऑक्टोबरला आहे.
घटस्थापनेचा मुहूर्त काय आहे? ghatasthapana 2026
या दिवशी दिवसभर वैधृति योग असला तरी पहाटे ४ वाजून ५६ मिनिटांपासून दुपारी १ वाजून ३५ मिनिटांपर्यंत कधीही घटस्थापना करता येईल.
दोन स्वतंत्र माळा का अर्पण कराव्यात?
नवरात्रोत्सवात देवीला रोज एक माळ अर्पण करण्याची प्रथा आहे. यंदा नवरात्रोत्सव दहा दिवसांचा असल्याने रोज एक याप्रमाणे माळा अर्पण कराव्यात. तिथीची वृद्धी असल्याने दोन दिवसांच्या दोन स्वतंत्र माळा देवीला अर्पण कराव्यात. अनेकजण नवरात्रोत्सवाच्या नऊ दिवस उपवास करतात. मात्र, काही कारणास्तव नऊ दिवस उपवास करणे शक्य नसल्यास नवरात्रोत्सवाच्या पहिल्या आणि शेवटच्या दिवशी उपवास केला जातो.