'पाडायचे की उभे करायचे?' हे ठरविण्यासाठी अंतरवाली सराटीला या : मनोज जरांगे

कराड : पुढारी वृत्तसेवा : कोल्हापूरहून सातारा येथे शांतता रॅलीस जात असताना कराडजवळ वारुंजी फाटा परिसरात मराठा समाज बांधवांनी मराठा आंदोलनाचे नेते मनोज जरांगे- पाटील यांचे मोठ्या उत्साहात स्वागत केले. यावेळी मोठ्या संख्येने मराठा समाज उपस्थित होता. (Manoj Jarange-Patil)

यावेळी उपस्थित मराठा बांधवांशी संवाद साधताना जरांगे म्हणाले की, राज्य शासन मराठा समाजाची दिशाभूल करत आहे. विरोधक सुद्धा मराठा आरक्षणावर ठोस भूमिका घेत नाहीत. त्यामुळे २९ ऑगस्टला सर्वांनी अंतरवाली सराटीला यावे. आता मराठ्यांची ताकद दाखवण्याची वेळ आली आहे. यांना पाडायचे की उभे करायचे, हे सर्वांनी ठरवायचे आहे, अशा शब्दांत त्यांनी आपली भूमिका स्पष्ट केली. (Manoj Jarange-Patil)