साताऱ्यातील कास रोडवर भीषण अपघात; दोन कारची समोरासमोर धडक
सातारा; पुढारी वृत्तसेवा : सातारा – कास रस्त्यावरील यवतेश्वर गावच्या हद्दीत आज शुक्रवारी (दि.२८) रात्री ९ वाजण्याच्या सुमारास दोन कारची समोरासमोर धडक होऊन भीषण अपघात झाला. या अपघातात चौघेजण जखमी झाले आहेत.
प्राथमिक मिळालेल्या माहितीनुसार, सर्वजण सातारा जिल्ह्यातील आहेत. दरम्यान, पोलिसांनी घटनास्थळी धाव घेत पंचनामा सुरू केला आहे. गारवा हॉटेल जवळ हा अपघात झाला असून अपघातात कारचा चक्काचूर झाला आहे. अपघातानंतर जखमींना कारमधून बाहेर काढून उपचारासाठी सातारा येथील खासगी रुग्णालयात दाखल करण्यात आले आहे.
हेही वाचा :
- पुणे-सोलापूर महामार्गावर भीषण अपघात; पीकअप पलटी होऊन १ ठार
- सोलापूर : अकलूजमध्ये अपघात! ट्रकच्या धडकेत सायकलस्वार ठार
- नाशिक: वांगण येथील शेतकऱ्याचा पुरात वाहून गेल्याने मृत्यू