पंतप्रधान नरेंद्र मोदींची श्रीमंत शिवाजीराजे भोसले यांना श्रद्धांजली
सातारा; पुढारी वृत्तसेवा : छत्रपती शिवाजी महाराज यांचे बारावे वंशज व साताऱ्याचे माजी नगराध्यक्ष छत्रपती शिवाजीराजे भोसले यांचे पुणे येथील खासगी रूग्णालयात मंगळवारी निधन झाले. त्यांच्या निधनाबद्दल पंतप्रधान नरेंद्र मोदी यांनी शोक व्यक्त केला आहे.
पंतप्रधान मोदी यांनी ट्विटरवर आपल्या शोकसंदेशात म्हटले आहे की, छत्रपती शिवाजीराजे भोसले यांच्या निधनाने अती दु:ख झाले. ते एक गतिमान आणि बहुआयामी व्यक्तिमत्व होते. त्यांनी लोकांमध्ये समरस होवून मोठ्या प्रमाणावर काम केले. साताऱ्याच्या प्रगतीत त्यांनी भरीव योगदान दिले. त्यांच्या कुटुंबीयांच्या दुःखात मी सहभागी आहे. ओम शांती, अशा शब्दात पंतप्रधानांनी छत्रपती शिवाजीराजे भोसले श्रद्धांजली वाहिली आहे.
श्रीमंत छत्रपती शिवाजीराजे भोसले यांच्या निधनाने वृत्त दु:खदायक आहे. ते सदैव कार्यरत, अष्टपैलू व्यक्तिमत्व होते, लोकसेवेबरोबरच साताऱ्याच्या विकासात त्यांचे मोठे योगदान होते. त्यांचे कुटुंबीय आणि चाहत्यांप्रति मी माझ्या संवेदना व्यक्त करतो.ओम शांती.
— Narendra Modi (@narendramodi) September 14, 2022
हेही वाचा :