सातारा : वराडेतील अत्याधुनिक वन्यजीव उपचार केंद्रासाठी साडेसात कोटी

कराड : पुढारी वृत्तसेवा : वराडे (ता. कराड) येथे वन्य जीवांवर उपचार व देखभाल करण्यासाठी अत्याधुनिक वन्यजीव उपचार केंद्र मंजूर झाले आहे. त्यासाठी ७ कोटी ५८ लाख रुपयांचा निधी नुकताच उपवनसंरक्षक सातारा यांचे कार्यालयाकडे वर्ग झाला आहे. खासदार श्रीनिवास पाटील व राज्याचे सहकार मंत्री तथा साताऱ्याचे पालकमंत्री बाळासाहेब पाटील यांच्या पाठपुराव्यामुळे हे अत्याधुनिक वन्यजीव उपचार केंद्र मंजूर झाले आहे.

• शरद पवार म्हणतात, काश्मीर फाईल्सच्या प्रदर्शनास परवानगीच मिळायला नको होती

महाराष्ट्रामध्ये वन्य जीवांकरीता अत्याधुनिक उपचार पद्धतीने सुसज्य असे वन्यजीव उपचार केंद्र मंजूर झाले असून याचा फायदा सातारा जिल्ह्याबरोबरच कोल्हापूर, सांगली, सिंधुदुर्ग, रत्नागिरी तसेच सहयाद्री व्याघ्र प्रकल्पातील जखमी वन्य जीवांना तातडीचे उपचार देणेकरीता होणार आहे.

सध्यस्थितीमध्ये जखमी वन्य प्राण्यांवर उपचार करणे करताना पशुवैद्यकीय दवाखान्यातील उपलब्ध सुविधांचा वापर करावा लागतो. परंतु मूलतः वन्यप्राण्यांवर उपचार करणेकरता वेगळ्या सुविधांची आवश्यकता असते. वन्य प्राण्यांवर उपचर करताना कमीत कमी मानवी संपर्क व तातडीने उपचार करून लवकरात लवकर त्यांना मूळ अधिवासामध्ये सोडणे आवश्यक असते.

• Insurance policy : थर्ड पार्टी की कॉम्प्रिहेन्सिव?; वाहनासाठी विमा पॅालिसी कोणती चांगली

या दृष्टीने आवश्यक उपचारपद्धती जसे की रेडिओथेरपी, पोटेबल एक्स-रे यांसारख्या अद्ययावत सुविधांनी हे उपचार केंद्र सुसज्ज असणार आहे. सदर उपचार केंद्रामध्ये मांस भक्षी प्राणी –पक्षी, तृणभक्षी प्राणी – पक्षी, तसेच जलचर प्राण्यांसाठी स्वतंत्र व्यवस्था करण्यात आली असून नैसर्गिक अधिवासशी मिळते – जुळते वातावरण तयार केले जाणार आहे.

• 'परीक्षा पे चर्चा ' : तुम्ही केलेल्या तयारीवर विश्वास ठेवा आणि परीक्षेला सामोरे जा, पंतप्रधान मोदींचा विद्यार्थ्यांना सल्ला