पनवेल ः महिलेवर लैंगिक अत्याचार करुन, त्यांचे अलील व्हिडिओ बनवून लाखो रुपयांची खंडणी उकळल्या प्रकरणी पनवेल शहर पोलिसांनी आरोपी प्रदीप नरळे (वय 34) याला अटक केली असून, या गुन्ह्याकरिता मदत करणारी त्याची पत्नी रेणुका नरळे आणि भाऊ प्रवीण नरळे हे दोघे सध्या फरार आहेत. पोलिस त्यांचा शोध घेत असून लवकरच त्यांना अटक करण्यात येईल, अशी माहिती पनवेल पोलीस ठाण्याचे वरिष्ठ पोलीस निरिक्षक नितीन ठाकरे यांनी दिली.
मुंबईत अंधेरी येथील एका विमा कंपनीत शाखा व्यवस्थापक पदावर कार्यरत असलेल्या आरोपी प्रदीप नरळे काम करत होता. त्याची ओळख त्यांच्या नागपूर शाखेतील 32 वर्षीय महिला शाखा व्यवस्थापीकेसोबत ऑनलाइन मिटिंगदरम्यान झाली. त्यानंतर कामाच्या निमित्ताने त्याने महिलेशी संपर्क वाढवला. हळूहळू तो वैयक्तिक नात्यात बदलला. 27 मार्च रोजी कामानिमित्त ती महिला मुंबईत आली असता, त्याने तिला पनवेलमधील आपल्या घरी पाहुणचाराच्या निमित्ताने बोलावले. त्यावेळी जिथे त्याची पत्नीही उपस्थित होती.
पाहुणचाराच्या बहाण्याने नरळे याने महिलेला गुंगी आणणारे औषध मिसळलेले जेवण दिले. जेवणानंतर ती बेशुद्ध पडताच, त्याने पत्नीच्या मदतीने तिच्यावर लैंगिक अत्याचार केला आणि त्या घटनेचे व्हिडिओ चित्रीकरण केले. दुसऱ्या दिवशी पीडित महिला शुद्धीवर आल्यानंतर तिला आपल्या अंगावरील सोन्याचे दागिने आणि रोकड गायब असल्याचे लक्षात आले. त्यानंतर नरळे दाम्पत्याने तिचे अलील व्हिडिओ दाखवत बदनामीची धमकी दिली आणि पैशांची मागणी सुरू केली.
भीतीपोटी पीडित महिलेने सुमारे 8 लाख 11 हजार रुपये दिलेे. त्यानंतर पिडीत महिलेने आपल्या पतीला संपूर्ण प्रकार सांगितला आणि दोघांनी मिळून नागपूरच्या सिताबर्डी पोलीस ठाण्यात या प्रकरणी तक्रार दाखल केली. पुढील तपासासाठी हे प्रकरण पनवेल शहर पोलीस ठाण्याकडे आल्यावर असून, पोलिसांनी आरोपीला अटक केली आहे. त्याची पत्नी आणि भाऊ फरार त्यांचा शोध घेण्यात येत आहे.
