रोहे : महादेव सरसंबे
रोहा पंचायत समिती निवडणुकीत राष्ट्रवादी पक्षाचे सहा सदस्य निवडून आले आहेत त्यामुळे रोहा पंचायत समिती राष्ट्रवादीच्या ताब्यात आली असून पुढील सभापती पदाच्या व उपसभापती पदाच्या निवडणुकीचे वारे वाहू लागले आहेत. सभापती व उपसभापती ची माळ कोणाच्या गळ्यात पडणार याबाबत तर्कवितर्क चर्चेला जात आहेत.
मागील कारकिर्दीत रोहा पंचायत समिती राष्ट्रवादीच्या ताब्यात असली तरी रोहा पंचायत समितीच्या मागील निवडणुकीत (2017) पक्षीय स्थितीमध्ये राष्ट्रवादी काँग्रेसने स्पष्ट वर्चस्व मिळवले होते. एकूण 8 सदस्यांपैकी राष्ट्रवादी काँग्रेसचे तब्बल 5 सदस्य विजयी झाले होते. यावर्षीच्या 2026 च्या निवडणुकीत यावेळी राष्ट्रवादी (अप गट) एक जागा वाढून 6 जागेवर राष्ट्रवादी (अप गट) पक्षाने विजय मिळवला आहे. उर्वरित एका जागेवर शिवसेना (उबाठा) व शिवसेना (शिंदे गट) जागा मिळाली आहे. एक हाती सत्ता राष्ट्रवादी (अप गट) पक्षाकडे आली आहे.
यावर्षी निवडून आलेल्या पंचायत समिती सदस्या मध्ये नागोठणे पंचायत समिती गण समृध्दी संतोष कोळी राष्ट्रवादी (अप गट), सुकेळी पंचायत समिती गण अरुणा जानु हंभीर शिवसेना (उबाठा), कोलाड गण जगन्नाथ गजानन धनावडे राष्ट्रवादी(अजित पवार गट), आंबेवाडी पंचायत समिती गण संजय संभाजी मांडलुस्कर राष्ट्रवादी (अजित पवार गट ), धाटाव पंचायत समिती गण विजया विनोद पाशिलकर राष्ट्रवादी (अजित पवार गट), भुवनेश्वर पंचायत समिती गण सुरेश धोंडु मगर राष्ट्रवादी (अजित पवार गट), न्हावे पंचायत समिती गण वर्षा हेमंत देशमुख शिवसेना (शिंदे गट) घोसाळे पंचायत समिती गण किसन गणपत मोरे राष्ट्रवादी (अजित पवार गट) यांचा समावेश आहे.
पंचायत समिती सभापतीच पदाचे आरक्षण महिला असल्याने विजया पाशिलकर, समृद्धी कोळी यामधील एका उमेदवाराच्या काळात सभापती पदाची माळ पडण्याची शक्यता आहे. उपसभापती पदाची माळ सुरेश मगर, संजय मांडलुस्कर, जगन्नाथ धनावडे यापैकी एकाला मिळण्याची शक्यता आहे.
