पिंपरी : नॅशनल हॉकर फेडरेशन, महाराष्ट्र फेरीवाला क्रांती महासंघातर्फे जागतिक अन्न सुरक्षा दिनानिमित्त पिंपरी-चिंचवड शहरातील विविध ठिकाणच्या पथ विक्रेत्याकडे अचानक भेट देऊन ते तयार करत असलेल्या अन्नाबाबत चौकशी केली व माहिती घेण्यात आली.
याप्रसंगी कामगार नेते काशिनाथ नखाते, कार्याध्यक्ष इरफान चौधरी, सहदेव होनमाने, रामा बिराजदार, अंबालाल सुखवाल, ओमप्रकाश मोरया आदी उपस्थित होते.
यावेळी नखाते म्हणाले, की ज्याप्रमाणे सुरक्षित व स्वच्छ अन्न मिळविण्याचा अधिकार ग्राहकांना आहे. तसेच स्वच्छ, सुरक्षित व विना
हानिकारक अन्न देणे हे फेरीवाले व सर्व विक्रेत्यांची जबाबदारी आहे.
अन्नपदार्थांपासून निर्माण होणार्या धोक्याकडे लक्ष देऊन ग्राहकांच्या आरोग्याचे संरक्षण करणे ही आपली जबाबदारी आहे. यासाठी महासंघातर्फे संत गाडगेबाबा स्वच्छता फेरीवाला अभियानद्वारे फेरीवाल्यांना प्रशिक्षण देऊन पायाभूत सुविधा निर्माण करण्यासाठी प्रयत्न करण्यात येत आहेत.
हेही वाचा
