आळेफाटा: येडगाव धरणाच्या कुकडी डाव्या कालव्याचे वाहत्या पाण्यात सोमवार (दि 30) सायंकाळी काळवाडी परिसरात उडी मारून बेपत्ता झालेल्या उंब्रज (ता जुन्नर) येथील दांपत्याचे मृतदेह बुधवार (दि 1) एप्रिल सकाळी दहा वाजेच्या वेळी कालव्याचे पिंपळवंडीच्या लेंडेस्थळ येथे आढळून आले.
अक्षय यशवंत शिंगोटे (वय 30) व प्राजक्ता अक्षय शिंगोटे (वय 27) अशी मृत दांपत्याची नावे आहेत. याबाबत माहिती अशी सोमवार (दि 30) सायंकाळी साडेपाच वाजता अक्षय शिंगोटे पत्नी प्राजक्ता व त्यांचे वर्षाचे लहान मुलासह येडगाव धरणाचे पाणी सोडलेल्या कुकडी डाव्या कालव्याचे धरणापासून एक किलोमीटर अंतरावर काळवाडी परिसरात आले व त्यांनी मुलाला तेथेच सोडत वाहता कालव्यात उडी मारल्या ते या वाहत्या पाण्यात वाहून गेल्याचे तेथील एका प्रत्यक्षदर्शनी पाहिले.
आळेफाटा पोलीस पोलिसांना याबाबत माहिती मिळाल्यानंतर तातडीने ते घटनास्थळी आले मात्र कालव्याचा पाणी जास्त असल्याने शोध घेणे अवघड झाले. याबाबत उंब्रज सरपंच हिरामण शिंगोटे यांनी आळेफाटा पोलीस ठाण्यात संबंधित दांपत्य बेपत्ता झाल्याची खबर दिली. जुन्नर येथील रेस्कु टीम व आळेफाटा पोलिसांनी मंगळवारी दिवसभर या कालव्याचे पारनेर परिसरात जाथ मृतदेहांचा शोध घेतला मात्र ते मिळून आले नाही.
कालव्याचे पाणी कमी करावे याबाबत आळेफाटा पोलिसांनी कुकडी प्रकल्प प्रकल्पाचे कार्यकारी अभियंता यांना पत्र दिले. कालव्याचे पाणी बंद करावे यासाठी काळवाडी व उंब्रज नंबर 1 येथील ग्रामस्थांनी काल रात्री आठ वाजता येडगाव धरणावरती जात आंदोलन केले. याची दखल घेत कुकडी प्रकल्पाचे कार्यकारी अभियंता गणेश नान्नोर यांनी आज सकाळी कालव्याचे पाणी बंद केले.
दहा वाजेच्या वेळी संबंधित दाम्पत्याचे मृतदेह धरणाचे कालव्यापासून दोन किलोमीटर अंतरावर पिंपळवंडी परिसरातील लेंडेस्थळ येथे रेस्क्यू टीमला आढळून आले. याबाबतचे फिर्याद आळेफाटा पोलीस ठाण्यात देण्यात आली असून आळेफाटा पोलिस पुढील तपास करत असल्याची माहिती पोलीस निरीक्षक विश्वास जाधव यांनी दिली.
