पुणे : पुढारी वृत्तसेवा : सोमवारी दिवसभर पुणेकर असह्य उकाड्याने हैराण झाले. शहरातील कोरेगाव व लवळे या भागांचा पारा 40 अंशांवर गेला होता. दुपारी आकाश किंचित ढगाळ असल्याने उष्मा जास्तच जाणवत होता.शहराच्या कमाल व किमान तापमानात मोठे बदल झाले असून शहराचे सरासरी कमाल तापमान सोमवारी 25 मार्च रोजी 38 अंशांवर पोहोचले. सकाळी 10 ते दुपारी 3.30 पर्यंत उष्मा जास्त जाणवत होता. त्यामुळे या वेळेत काम असेल तरच बाहेर पडावे, अन्यथा सुती कपडे घालावे, सतत पाणी, सरबत, ताक घ्यावे, असा सल्ला हवामान तज्ज्ञांनी दिला आहे.
