पुणे : अतिशय वेगाने रानावनात धावणारे हरीण आपण अनेकदा पाहतो. सांभर, साधे हरीण, काळवीट यांसारखी अनेक प्रकारची हरणे आपल्याला माहिती आहेत. मात्र, पुणेकरांना पहिल्यांदाच कात्रज येथील राजीव गांधी प्राणिसंग्रहालयात सर्वांत लहान आकाराची लाजाळू व दुर्मीळ हरणे (माऊस डिअर) पाहायला मिळणार आहेत. या प्रकारचे सुमारे 20 जीव लवकरच प्राणिसंग्रहालयात दाखल होतील.
प्राणिसंग्रहालय प्रशासनाकडून माऊस डिअरचा समूह आणण्याचे नियोजन करण्यात येत आहे. राज्य वन विभागाने रेस्क्यू केलेली अथवा हैदराबाद येथील प्राणिसंग्रहालयातून ही गोंडस हरणे आणली जाणार आहेत. तसा प्रस्ताव राजीव गांधी प्राणिसंग्रहालयाने केंद्रीय ाणिसंग्रहालय प्राधिकरणाला दिला आहे.
आगामी काळात पुणेकरांना उंदराच्या आकाराची एकूण 20 हरणे पाहायला मिळतील. यामध्ये आठ नर, तर बारा माद्या असणार आहेत.
राजीव गांधी प्राणिसंग्रहालय प्रशासनाकडून माऊस डिअर आणल्यानंतर पर्यटकांना पाहण्यासाठी ठेवली जाणार आहेत. त्याकरिता प्राणिसंग्रहालयातच त्यांच्या निवासासाठी 514 चौरस मीटरचे खंदक उभारले जाणार आहे.
हेही वाचा