एसटीच्या अनियमिततेमुळे विद्यार्थ्यांचे शैक्षणिक नुकसान

कामशेत(पुणे) : कामशेतमध्ये येणार्‍या शालेय व कॉलेजच्या विद्यार्थ्यांचे एसटीच्या अनियमित वेळेमुळे हाल होत आहेत. त्यामुळे विद्यार्थ्यांचे शैक्षणिक नुकसान होत आहे.  विशेषत: नाणेसाई परिसरातून येणार्या विद्यार्थ्यांना त्रास होत आहे. सकाळी आठ वाजता कॉलेज असते. परंतु,  आठ वाजता एसटी येत असल्यामुळे विद्यार्थ्यांना कॉलेजमध्ये पोहोचण्यास उशीर होत आहे. त्यामुळे या परिसरातील विद्यार्थी एसटीने प्रवास करण्याचे टाळतात.

एसटी वेळेवर येत नसल्यामुळे खासगी वाहनांनी विद्यार्थ्यांना शाळेत यावे लागते. याविषयी विद्यार्थ्यांनी सांगितले, की एसटीचा पास काढला आहे. परंतु, एसटी वेळेवर येत नसल्याने शाळेत वेळेवर पोहोचता येत नाही. त्यामुळे पास वाया जात आहे. तसेच, अनेकवेळा

खासगी वाहनांनी शाळेत जावे  लागत असल्यामुळे एसटी महामंडळाने शाळेच्या वेळापत्रकानुसार बस सोडणे गरजेचे आहे.