सासवड: पुरंदर तालुक्यातील निरा कृषी उत्पन्न बाजार समितीच्या सासवड (ता. पुरंदर) येथील उपबाजारात धान्याची मोठ्या प्रमाणात आवक होत आहे. बुधवारी (दि. 21) ज्वारीला प्रतिक्विंटल सर्वाधिक 4,451 रुपयांचा विक्रमी दर मिळाल्याची माहिती निरा कृषी उत्पन्न बाजार समितीचे सभापती संदीप फडतरे यांनी दिली. बुधवारी सासवड उपबाजारात ज्वारीच्या एक नंबर प्रतीला प्रतिक्विंटल कमाल 4,451 रुपये, किमान 2,801 रुपये, तर सरासरी 3,626 रुपये दर मिळाल्याची माहिती बाजार समितीचे सचिव मिलिंद जगताप यांनी दिली.
या वेळी उपसभापती बाळासाहेब शिंदे, संचालक शरद जगताप, महादेव टिळेकर, गणेश होले, वामनभाऊ कामठे, सुशांत कांबळे, पंकज निलाखे, देविदास कामठे, अनिल माने, अशोक निगडे, शरयू वाबळे, भाऊसाहेब गुलदगड, संचालिका शहजान शेख, लिपीक विकास कांबळे यांच्यासह व्यापारी आर. के. ट्रेडर्सचे रुपचंद कांडगे, आर. आर. ट्रेडर्सचे राजेंद्र जळींद्रे, सत्यवान पवार, जितेंद्र महाजन, अविनाश महाजन, नंदकुमार महाजन, शैलेश वीरकर आदी उपस्थित होते.
निरा कृषी उत्पन्न बाजार समितीच्या गुळ बाजारात 340 बॉक्स (68 क्विंटल) गुळाची आवक झाली. गुळाला किमान दर कमाल 3,700 रुपये, कमाल 4,150 रुपये, तर सरासरी दर 4,000 रुपये मिळाल्याची माहिती गुळ बाजार सहसचिव नितिन किकले, कृष्णात खलाटे व प्रवीण कर्णवर यांनी दिली. या वेळी गुळ व्यापारी शांतिकुमार कोठारिया उपस्थित होते.
