पुढारी ऑनलाईन डेस्क : येत्या काही दिवसांत महाराष्ट्राच्या काही भागांत मान्सूनपूर्व पावसांच्या सरी कोसळतील, असा अंदाज स्कायमेट या खासगी हवामान संस्थेने व्यक्त केला आहे. सर्वसाधारणपणे ५ ते १५ जून या कालावधित मान्सूनने कोकण आणि महाराष्ट्र व्यापलेला पहायला मिळतो. पण या वेळी मान्सूनला थोडा उशीर होत आहे, असे स्कायमेटने म्हटले आहे.
सध्या कर्नाटकच्या कारवार किनाऱ्यावर मान्सूनचे आगमन झालेले आहे. ७ जूनला दक्षिण कोकण आणि मध्य महाराष्ट्रात पाऊसाचे प्रमाण थोडे कमी पहायला मिळेल. तसेच सांगली, सातारा आणि आसपासच्या परिसरातही पावसाच्या सरी कोसळतील, असे स्कायमेटने म्हटले आहे. ८ जूननंतर पावसाची तीव्रता वाढत जाईल आणि दक्षिण महाराष्ट्रातही पाऊस हजेरी लावेल. तर ९ जूनपासून विदर्भात पावसाचे आगमन होईल.
पण हा पाऊस मान्सूनचा नसून तो मान्सूनपूर्व आहे. तीन दिवस मान्सूनपूर्व पावसाच्या सरी कोसळतील, असे स्कायमेटचे मत आहे.
हेही वाचा
