पुणे: तरुणाईचा सळसळता उत्साह अन् ‘आवाज कुणाचा?’चा घुमलेला जल्लोष अशा उत्साही वातावरणात पार पडलेल्या ‘महाराष्ट्रीय कलोपासक’ आयोजित पुरुषोत्तम करंडक आंतरमहाविद्यालयीन एकांकिका स्पर्धेच्या प्राथमिक फेरीचा निकाल रविवारी (दि. 24) जाहीर झाला. या हीरक महोत्सवी स्पर्धेच्या प्राथमिक फेरीतून अंतिम फेरीसाठी नऊ संघांची निवड करण्यात आली आहे. स्पर्धेची अंतिम फेरी 13 आणि 14 सप्टेंबर या कालावधीत होणार आहे.
या एकांकिका स्पर्धेची प्राथमिक फेरी 10 ते 24 ऑगस्ट या कालावधीत सदाशिव पेठेतील भरत नाट्यमंदिरात आयोजित करण्यात आली होती. या स्पर्धेत यंदाही तरुण कलाकारांचा जोश आणि उत्कृष्ट सादरीकरण पाहायला मिळाले. प्राथमिक फेरीत 51 संघांनी सादरीकरण केले. त्यातील नऊ संघ अंतिम फेरीत दाखल झाले आहेत. (Latest Pune News)
यामध्ये डीइएस पुणे युनिव्हर्सिटी , पुणे (व्हिक्टोरिया), पुणे विद्यार्थीगृहाचे अभियांत्रिकी आणि तंत्रज्ञान महाविद्यालय, पर्वती (कोयता), अण्णासाहेब मगर महाविद्यालय (काही प्रॉब्लेम ये का?), मॉडर्न कला, विज्ञान आणि वाणिज्य महाविद्यालय (वामन आख्यान), आयएमसीसी स्वायत्त (रामरक्षा), मएसो सिनिअर कॉलेज (यथा प्रजा तथा राजा), श्रीमती काशिबाई नवले अभियांत्रिकी महाविद्यालय (निर्वासित), मराठवाडा मित्र मंडळाचे वाणिज्य महाविद्यालय (पावसात आला कोणी...), सर परशुरामभाऊ महाविद्यालय स्वायत्त (आतल्या गाठी) या संघाचा समावेश आहे.
या नऊ संघांमध्ये आता यंदाचा करंडक पटकावण्यासाठी चुरस रंगणार आहे. प्राथमिक फेरीचे परीक्षण शेखर भागवत, राजेश कोलन, धनेश जोशी यांनी केले.
स्पर्धेतील उत्तेजनार्थ पारितोषिके
उत्तेजनार्थ : विद्यार्थी दिग्दर्शक - राज दीक्षित (इन बिटविन ऑफ, बृहन् महाराष्ट्र वाणिज्य महाविद्यालय)
उत्तेजनार्थ : विद्यार्थिनी दिग्दर्शिका - मयुरी निकम (मित्तर, विद्या प्रतिष्ठानचे कला, वाणिज्य व विज्ञान महाविद्यालय, बारामती.
स्पर्धेतील इतर पारितोषिके
अभिनय : उत्तेजनार्थ पारितोषिके
ऋ तीक रास्ते, टिकाराम जगन्नाथ महाविद्यालय
लावण्या पोहेकर, पद्मभूषण वसंतदादा पाटील इन्स्टिट्यूट ऑफ टेक्नॉलॉजी,
अनुराग भोसले, डॉ. डी. वाय. पाटील अभियांत्रिकी महाविद्यालय
गुणेश मंडलिक, डॉ. डी. वाय. पाटील अभियांत्रिकी महाविद्यालय
पार्थ ढोरे, डॉ. डी. वाय. पाटील अभियांत्रिकी महाविद्यालय
सुजल बर्गे, विद्या प्रतिष्ठानचे कला, वाणिज्य व विज्ञान महाविद्यालय, बारामती
वैभव वासणकर, डॉ. डी. वाय. पाटील ज्ञानप्रसाद युनिव्हर्सिटी स्कूल ऑफ बिझनेस अॅण्ड स्ट्रॅटेजी, पुणे
राखी गोरखा, न्यू आर्टस् कॉमर्स अॅण्ड लायन्स कॉलेज, स्वायत्त
प्रणिता गोडसे, जयवंतराव सावंत अभियांत्रिकी महाविद्यालय
स्नेहा भालेराव, महर्षी कर्वे स्त्री शिक्षण संस्थेचे महिला अभियांत्रिकी महाविद्यालय
