पुणे : मैत्री करून प्रेमाच्या जाळ्यात ओढल्यानंतर लग्नाच्या आमिषाने तरुणीसोबत वेळोवेळी शरीरसंबंध ठेवले. त्यानंतर तिचा विर्श्वास संपादन करून तिला लोन काढण्यास भाग पाडून 2 लाख 70 हजार रुपये घेऊन फसवणूक केली. एवढेच नाही तर तरुणीचा 75 हजार रुपये किमतीचा मोबाईल दोन तासांसाठी पाहिजे, असे म्हणत घेवून तो पळून गेला.
याप्रकरणी एक 26 वर्षीय तरुणीने विश्रांतवाडी पोलिस ठाण्यात फिर्याद दिली आहे. त्यानुसार पोलिसांनी मनप्रीत सिंग केंथ उर्फ करन (वय 35, रा. मालाड वेस्ट, मुंबई उपनगर) याच्या विरुद्ध गुन्हा दाखल केला आहे. जून 2025 ते 5 फेबुवारी 2026 दरम्यान हा प्रकार घडला आहे.
पोलिसांच्या माहितीनुसार, फिर्यादी तरुणीची आणि आरोपीचा परिचय झाल्यानंतर त्याने मैत्रीच्या बहाण्याने तरुणीला आपल्या जाळ्यात खेचले. त्यानंतर लग्नाचे प्रलोभन दाखवून तरुणीसोबत शरीरसंबंध ठेवले. तसेच तरुणीचा विर्श्वास संपादन केल्यानंतर त्याने तरुणीला तिच्या नावावर फायनान्सचे लोन घेण्यास भाग पाडले.
मी त्याचे हप्ते भरतो असे सांगून आरोपीने तरुणीकडून 2 लाख 70 हजार रुपये घेतले. तरुणीचा 75 हजार रुपये किमतीचा मोबाईल देखील घेऊन आरोपी फरार झाला. फसवणूक झाल्याचे लक्षात आल्यानंतर तरुणीने याबाबत विश्रांतवाडी पोलिस ठाण्यात फिर्याद दिली.
