पुणे : पुण्यात लहान मुलांवरील अत्याचाराच्या घटनांचे सत्र सुरूच असून गुरुवारी (दि. ७) दुधभट्टी परिसरात १० वर्षांच्या मुलीवर अत्याचाराचा प्रयत्न करण्यात आला. परिसरातील दुकानदारानेच हे कृत्य केले असून पोलिसांनी दुकानदाराला ताब्यात घेतले आहे.
दुधभट्टी गणेश पेठे परिसरात ४७ वर्षीय दुकानदाराने चॉकलेट देण्याच्या आमिषाने मुलीला दुकानात बोलाविले. यानंतर त्याने मुलीसोबत आक्षेपार्ह वर्तन करताच मुलीने आरडाओर करत स्वत: ची सुटका करून घेतली. मुलीने कुटुंबियांना ही घटना सांगताच त्यांनी पोलिसांकडे धाव घेतली.
पोलिसांनी दुकानदाराला तत्काळ ताब्यात घेतले असून, याप्रकरणी गुन्हा दाखल करण्याचे काम सुरू आहे. गुरुवारी संध्याकाळी साडेचारच्या सुमारास ही घटना घडली असून फरासखाना पोलीस याप्रकरणी अधिक तपास करत आहेत.
