आळेफाटा/ओतूर: जुन्नर तालुक्याच्या पश्चिम भागातील मांडवे येथून शेतमजुरांना बनकर फाटा येथे घेऊन निघालेली पिकअप गाडी तेथील मांडवी पुलाजवळ उलटल्याने अपघात झाला. या अपघातात एकूण 17 जण जखमी झाले आहेत. ही घटना मंगळवार (दि 6) सकाळी साडेसात वाजण्याच्या सुमारास घडली.
याबाबत मिळालेली माहिती अशी की, मांडवे येथून बनकरफाटा, ओतूर येथे शेतमजूर मोठ्या संख्येने शेतीच्या कामाच्या शोधार्थ दररोज येत असतात. आज सकाळी मांडवे येथून या शेतमजुरांना घेऊन निघालेली पिकअप गाडी ही काही अंतरावरच असलेल्या पुलाजवळ सुमारे सात फूट खड्ड्यात पलटी झाली. अपघातात पिकअप गाडी मधून येणारे 17 शेतमजूर जखमी झाले. (Latest Pune News)
जखमींची नावे...
आशा दाभाडे (वय 38) सुधीर दाभाडे (वय 16) मनीषा दाभाडे (वय 22) कल्पना उंबरे (वय 30) योगिता दाभाडे (वय 33) झुंबर दाभाडे (वय 35) चंद्रभागा बुळे (वय 35) साहिल दाभाडे (वय 16) करण दाभाडे (वय 16) सुंदराबाई दाभाडे (वय 65) आदित्य दिघे (वय 17) अरुणा दाभाडे (वय 35) नंदा दाभाडे (वय 37) सविता सोनवणे (वय 32) रंजना दाभाडे (वय 38) निकिता दाभाडे (वय 19) हे जखमी झाले.
दरम्यान या अपघाताची माहिती मिळतात तेथील युवकांसह ग्रामस्थांनी या सर्व जखमींना रुग्णवाहिकेतून आळेफाटा येथील रुग्णालयात उपचारासाठी आणले आहे. यातील दोन ते तीन जणांना अधिकचा मार लागला असल्याचे उपचार करणाऱ्या डॉक्टरांनी सांगितले.
