आता वीजबिल भरा एका क्लिकवर..!

पुणे : पुढारी वृत्तसेवा : राज्यात ठिकठिकाणी अनेक वीज कनेक्शन आणि बिल भरण्याच्या वेगवेगळ्या तारखा अशी समस्या असलेल्या विविध सरकारी खात्यांसाठी आणि खासगी कंपन्यांसाठी महावितरणने सर्व कनेक्शनची बिले एकाच ठिकाणाहून ऑनलाइन भरण्याची सुविधा उपलब्ध केली आहे. वेळेत बिल भरल्यास एक टक्का सूटही संबंधितांना मिळणार आहे. महावितरणने उपलब्ध केलेल्या या अभिनव सुविधेचा लाभ घेण्याचे आवाहन करण्यात आले आहे.

प्रत्येक बिल वेळेत भरल्यास एक टक्का सवलतही मिळेल. याखेरीज कागदी बिलाच्या ऐवजी इलेक्ट्रॉनिक बिल स्वीकारल्यामुळे प्रत्येक बिलामागे दहा रुपये सवलत आणि डिजिटल पेमेंट केल्यामुळे कमाल पाचशे रुपये सवलतही मिळेल. या सुविधेसाठी महावितरणच्या वेबसाईटवर ऑनलाइन नोंदणी करता येईल किंवा नजिकच्या महावितरण कार्यालयात माहिती मिळेल. या सुविधेमुळे ईझ ऑफ डुइंग बिझनेस या संकल्पनेला बळ मिळणार आहे. किमान दहा वीज कनेक्शन असलेला कोणताही सरकारी विभाग किंवा खासगी कंपनी लाभ घेऊ शकतात. बिलाबाबत तक्रार असल्यास सहजपणे करता येईल.

हेही वाचा

• अमली पदार्थांची तस्करी चिंताजनक
• Pune Crime | मारहाण करीत मंगळसूत्र पळविले
• कोल्हापूर : मतमोजणीसाठी 686 कर्मचारी; 1200 पोलिस नियुक्त