राहु: दौंड तालुक्यातील राजकीयदृष्ट्या महत्वाच्या असलेल्या नांदुर ग्रामपंचायतीच्या सरपंचदाच्या पोटनिवडणुकीत विशाल नरेंद्र थोरात यांनी बाजी मारली आहे. राज्य महिला आयोगाच्या माजी अध्यक्षा रुपाली चाकणकर यांचे सख्खे बंधू संतोष बबन बोराटे यांचा ३०४ मतांच्या फरकाने पराभव झाला आहे. संपूर्ण तालुक्याचे लक्ष या पोटनिवडणुकीकडे लागले होते.
अडीच वर्षांपूर्वी झालेल्या निवडणुकीत आमदार राहुल कुल समर्थकांनी एकत्र येत नांदुर ग्रामपंचायतीवर आपले वर्चस्व प्रस्थापित केले होते,त्यावेळी प्रथम लोकनियुक्त सरपंच म्हणून युवराज बबन बोराटे १९४ मतांनी निवडून आले होते.
सत्ताधाऱ्यांमध्ये ठरलेल्या कालावधीनुसार दोन वर्षांनंतर युवराज बोराटे यांनी आपल्या पदाचा राजीनामा दिला. या रिक्त जागेसाठी ही पोटनिवडणूक पार पडली. सरपंचपदासाठी संतोष बबन बोराटे,विशाल नरेंद्र थोरात,किरण विजय थोरात,जमालुद्दीन शेख, यशवंत बर्वे हे रिंगणात होते.
विशाल थोरात यांचे आई-वडील ही यापूर्वी सरपंच म्हणून कार्यरत असल्याने त्यांना दांडगा वारसा आणि अनुभवाची शिदोरी होती.बुधवारी दौंड येथे झालेल्या मतमोजणी मध्ये सुरुवातीला विशाल थोरात यांनी आघाडी घेतली होती.विशाल थोरात यांना ८३० मते, संतोष बोराटे यांना ५२६ मते मिळाली.
नांदुर गावामध्ये माळी आणि धनगर समाजाची लोकसंख्या निर्णायक आहे. या निवडणुकीत धनगर समाजातील विशाल थोरात यांनी आपले राजकीय कौशल्य आणि अनुभव पणाला लावत इतर दोन उमेदवार धनगर समाजातील असुनही मोठ्या मताधिक्याने विजय मिळवला.येथे जमालुद्दीन शेख या उमेदवाराने तिसऱ्या क्रमांकाची १३५ मते
